R. I. P: Chinram Tidim Peng Ah Motor A Cangsual I Minung 2 An Nunnak A Liam Ee

Tedim Peng Ah Motor Cangsual, Minung 2 An Nunnak Liam
===========
Chin ramkulh, Tedim peng Kyeinpikwat(ကျိန်းပီးကွတ်) khua luhnak ah January 4, zaan suimilam 8:00 hrawng ah motor a cangsual i Kyeinpikwat(ကျိန်းပီးကွတ်) khua mi 2 an nunnak a liam tiah theih a si.
Nunnak liammi hna hi fa 5 ngei hringtu Pu Hauh Khan Mang le Pu Thang Lam Khual hna an si

An i citmi motor cu break a ṭhat lo caah a tubantuk in motor cansualnak a chuahnak a si, pakhat cu a ṭhutnak in a zuan caah hmakhat te ah a nunnak a liam, a dang pakhat cu suimilam 2 tluk a rauh hnu ah a nunnak a liam ve tiah theih asi.

Relchap>>>>>NUG Le Mandalay PDF Tonnak An Ngei, Tukum Chung Tuahding Kong Ah Fehternak An Tuah
========================
2023, kum chung ah tuah timhmi raltuknak kong le zeidang kong he pehtlai in Mandalay PDF le NUG cu January 5 ah ton biaruahnak an ngei tiah theih a si.
NUG le PDF(Mandalay) battalion 1201, 1202, 1203, 1204, 1205 hna cu tonnak kan ngei i, 2023 kum chung ah tuahtimhmi vialte fehternak kan tuah NUG runvennak lei vuanci zung nih cathanh an chuah.

Battalion phu 5 he dirhmi PDF(Mandalay) cu NUG runvennak vuanci zung tang ah ṭha tein dirhmi phu a si i, battalion thar chap ding zong ah timhtuahnak an ngei tiah theih a si.Crd… The Chin Post

Relchap>>>>>Karen Ram Kahdohnak Ah PDF Minung 8 Nunnak Liam, Ralhrang 90 Leng An Thi!
=====
Karen ramkulh Kyainnseikgyi peng Taungsun kahdohnak ah SAC ralhrang 90 renglo an thi i PDF in minung 8 nunnak a liam tiah (Lion-battalion) in nawlngei pakhat nih a chim.

January 1 zing suimilam 4:00 tluk ah Taungsun (တောင်စွန်း) khua ummi SAC ralhrang le BGF thazaang 190 renglo nih hmun an khuarnak sakhan hna cu Bo Al Sae Wa hruainak in Lion-battalion, SOF, KNU/KNLA Battalion 16, AMGRY Drone phu, S.S.D.F Darone phu, Federal Wing Drone phu, AIMS Drone phu, A.U.R.S Bomb tlai phu hna fonh in an kahdoh hna caah BGF ralhrang sakhan 2 lak a si pin ah ralhrang 90 renglo an thi tiah theih a si.

 

“SAC ralhrang le BGF uico pawl cu Sniper in 23 kan kahthah hna i kahdohnak he cun ralhrang thimi dihlak fonh 90 renglo an si. SAC ralhrang nih Mi 35, Y 130 raltuknak vanlawng hna le, SU-30 Jet vanlawng hna hmangin voi 60 leng an kan kah. Tualchung hriamtlai Lion-Battalion in minung 2, SOF in minung 6 (an dihlak minung 😎 hna nih ramle miphun caah nunnak an pek tiah Lion-battalion in nawlngei pakhat nih Khit Thit Media ah a chimphuan.Crd… Lung Mali Post

 

Relchap>>>>Matupi-Paletwa Lam Kahdohnak Ah SAC Ralkap Pakhat A Thi, Pyubuai Ah SAC Ralkap Bomb Puahhnawh An Ton Caah 6 Hliamhma An Pu
===============+======+++++++==
Chin ramkulh, Matupi peng Matupi-Paletwa lam cung um Khah Mah Yah 304 SAC ralkap check gate kan kah caah SAC ralkap pakhat a thi, tiah CDF Matupi sinin theih a si.

Nizaan January 4 zaanlei sml 3:05 ah Matupi-Paletwa lam cung ah umhmun a khuarmi SAC ralkap pawl cu, CDF Matupi nih an kah hna caah SAC ralkap pakhat a thi i pakhat hliamhma a pu. CDF Matupi lei in a thimi le aa hliammi an um lo, tiah theih a si.

Mandalay ramṭhen, Pyubuai khua zalonnak lungphun ah humhimnak a lami SAC ralkap pawl cu bomb in kan puahhnawh hna, tiah Taikdaung PDF in ṭuanvo ngeitu pakhat nih a chim.

January 4 zinglei sml 3:36 ah Pyubuai khua zalonnak lungphun ah humhimnak a latu SAC ralkap pawl cu bomb puahhnawh an ton caah 6 hliamhma fak ngai an pu, tiah theih a si.

“Kawl Independence Day tuahnak ding ca ah humhimnak a latu SAC ralkap pawl cu, bomb in kan puahhnawh hna caah SAC ralkap 6 hliamhma fak ngai an pu. A thimi zat tu cu fiang in hngalh a si lo, tiah Taikdaung PDF in ṭuanvo ngeitu nih a chim.Crd… The Chin Post

Be the first to comment

Leave a Reply

Your email address will not be published.


*