R.I.P: CDF KKG In Pasaltha Salai “Thian Lian Cung” Nih Ram le Miphun Caah A Biakam Bangin A Nunnak A Pek Than EE

CDF-KKG in pasalțha Thian Lian Cung nih ram le miphun caah a nunnak a pek.
R.I.P Our Hero
#cdfkkg
#suimilammedia

Ralram hmun pakhat a si mi ah raltuk dingin a kal mi CDF KKG pasaltha Thian Lian Cung nih a nunnak a va pek tiah theih a si, Pasaltha tian Lian Cung hi CDF KKF batallion 3 ah a um mi a si. Miphun le ram caah na biakam bantuk tein na nunnak tiang na pek. Ngaihchiatnak a tong mi chungkhar hna Bawipa nih in hnem cio ko hna seh. R.I.P Our Hero

Relchap>>>>Breaking News
Nihin October 1 ah Hakha thar Nahau tlang ummi Pu Biak Cung cu bomb aa lamhsual caah a ke ah hliamhma a pu, tiah theih a si.
“Nihin zanlei slm 4:00 hrawng ah Hakha thar Nahau tlang ummi Pu Biak Cung cu Fanghawk a kawlnak ah SAC ralkap nih an hmanhmi bomb aa lamh sual caah a ke ah hliamhma a pu,” tiah tualchung mi pakhat nih a chim.

Fanghawk a kawl lioah an inn pawng(Van Ṭhio khuachuahnak pawng) ah SAC ralkap nih an hmanhmi bomb aa lamh sual hi a si. A fengbeo cung deuh in tan a hau lai. Pu Biak Cung cu miding fel ngai a si pinah chungkhar nih an bochan tuk mi a si, tiah theih a si.
Min langhter a duh lomi pakhat nih, “SAC ralkap nih Hakha kiangkap ah bomb an hmanh dih. A bik in Hakha thar le cawbuk lei kam hi ralrin taktak a hau,” tiah a chim.Crd.. The Chin Post

Relchap>>>>Myinchian peng Myauhkyun um SAC caankarlak hmun an khuar nak sakhan Mizapi ralkap hna nih an lak

Nihin Octoctober -1 zing khuangter ah Mandalay ramthen ,Myinchian peng Nitlak chaklei um Myauhkyun khua i SAC ralkap nih cankar lak chung umhmun an khuar nak sakhan cu PDF Tatpawngsuh phu(9) nih an luhhnawhhna i kahdohnak minute -45 hrawng an ngeihhna hnu ah ralbawi pakhat rel chih in ralhrang (6) an thi i a tangmi SSC ralkap hna cu hliamhma putbu in an zamdih caah sakhan cu mizapi ralkap hna nih an lak tiah theih a si.
A thimi ralbawi hi tat- mah (88) chung tel a si i hithil a si hnu in SAC hna nih khuami (5) an tlaih hna i checkhlat nak an tuah,khuachung luhchuahnak zong an phihkhar tiah theih chih a si.

Cuhnu ah A-Neih Khua lei in ralhrang thazaang an rawn ichap caah Mizapi ralkap hna cu hnu an tolhthan i cuti an kirthan pah ah SAC ralbawi a thimi pa i kum(3) hrawng a si mi a fa le a Nupi cu an hmuhhna na in zawnruah nak ngeih in an nunnak an zuahhna tiah theih a si.
Hi kahdohnak hi MGN-RANGER (Myinchian peng tat- yin -2) ၊ People Defense Force- Taloke (Myinchian peng tat-yin -2 ) ၊ MDY-PDF (Mandalay peng tat- yin -3 )၊ Phoenix Special Comando tat ၊ Awtaw Unau PDF ၊ YSO -ISA ၊ Mobile People Defense MDF ၊ Black Wolf People Defense Force ( Mandalay peng B-3၊ tatkhuai-3 )၊ CDSOM thlanglei(Bawi Keite phu) hna nih i bawm in an tuah mi a si tiah theih a si.

relchap>>>>Breaking News-N.Korea Cu Fak Taktak In Ralring Nak An Pek Cang

N.Korea Cu S. Korea President Yoon Suk Yeol Nih Ralrin A Pek, N. Korea nih ngiarnak a tuahmi le aa hrocernak hi American le ṭangṭi ram hawikom hna nih ṭha tein kan sersiam lai i a phi kan kawl lai, tiah S. Korea president Yoon Suk Yeol nih nihin October 1 ah a chim. Korea nih nuclear hriamnam a hman ahcun S. Korea le American nih fak bikmi dantatnak kan tuah lai, tiah ralrinnak a pek. Nihin October 1 “S. Korea Ralkap Ni” ni sunglawi cu S. Korea ram thlanglei ralkap headquater ah ah an tuah i, atu bantukin President Yoon Suk Yeol nih a chim hi a si.

Korea cu vawleicung ram tampi nih an soisel cuahmah ko bu ah nuclear hriamnam le Missile bomb serchuahnak le hneksaknak a tuah cuahmah rih ko, tiah S.Korea president nih cun a mawhchiat. Korea ram chungah a dikmi daihnak hmuhkhawhnak caah nuclear hriamnam hrawh ding hi N. Korea nih a tawlrel ding a si, tiah a chim.crd-the chin post.

Be the first to comment

Leave a Reply

Your email address will not be published.


*