Pyay Ti Oo Le Eindra Kyawzin Nih Rakhine State Caah Bawmhnak An Pek Mi Hna A Tam Ngai

Kawlram chung nuva vialte hna lakah zohdawh bik le aa tlak bik an si ko lai tiah chim ceih cio mi hna Pyay Ti Oo le Eindra Kyawzin nih tulio kawlram chung Covid-19 a zual bik nak hmun Rakhine State ah inn dawng 150 caah tiin Ks ting 37 man a si mi ei-din le chungkhar khuasak nak ah a herh bik mi pawl (Basic need) cu Pyay Ti Oo Foudation hmang in an hlut hna tiah thawng theih a si.

Rakhine State caah hin nizan September 6 ah khan Pyay Ti Oo le a nupi Eindra Kyaw Zin nih Yangon myoh ah a um mi harsa hlutnak hmun ah an hman mi Phungki siang i tuanvo ngei phungki lutlai hna sinah an hlut hi a si tiah thawngzamh nih an langhter.

Pyay Ti Oo le a nupi nih Rakhine State caah an hlut mi hi chungkhar pakhat ah Ks 25000 man a si i a chung ah ei-din ding phun 18 ai tal mi Food Box pawl a si i chungkhar 150 hna caah an hlut hi a si.

Tulio kawlram chung Covid-19 cu a zual hma ngai cang i a bikin Rakhine State ah hin Positive Case thar pawl an tam bik tiah langhter a si. Cu ruang ah Kawlram chung i pulrai zawtnak a karhbik nak State a si mi Rakhine State caah hin Pyay Ti Oo le a nupi nih chungkhar 150 caah ei-din ding phun 18 aa tal mi Food Box zong an hlut hna hi a si.

Source: Popolay

 124 total views,  2 views today

This function has been disabled for Chin 11 News.