Pu Zing Cung A Chungkhar A Nu Le A Pa An Ci Kawr In Mi Dikfel Le Pengtlang Nih Rak Bochan Tuk Mi A Si, LTT Te Pawl Nih Va Soisel Ter Ding Minung A Si Ko

Pu Zing Cung A Chungkhar A Nu Le A Pa An Ci Kawr In Mi Dikfel Le Pengtlang Nih Rak Bochan Tuk Mi A Si, LTT Te Pawl Nih Va Soisel Ter Ding Minung A Si Ko

Pu Zing Cung tuanbia khi ca in an tialmi siseh, bia in an chimmi siseh amah pumpak biachim ka ngaih ah siseh, a chel caan i rian ruangah a bu in tonnak kan ngeih caan i a biachim hoiher ka zoh nakin siseh, hringtu anu le pa kong ka theih ningin siseh a background hrimhrim ah midingfel a rak si.

An khua le pengtlang ah bochan bakmi an rak si. Mg Lih Tum Te ( Tumtum ) hoi hna nih cun anu pawchung in a huamchung paoh chuak than sehlaw a tluk kho ti lai lo.

Pu Zing Cung lawng hlah atu i CNF upa vialte khi CNF an rak dirh kum ( 1988 ) hrawng Lairam zei lei paoh in a sifah saling hrawng ahhin khua le tlang nih zei lei paoh in bochanmi chungkhar chungin a rak chuahmi lawngte an si.

Dinfelnak zongin siseh ngeihchiah lei zongin siseh zei lei paoh in an khua le tlang cio ah mi a rak hip khotu chungkhar chungin a chuakmi lawngte an rak si. Phundang cun background a thami chungkhar chungin a chuakmi lawngte ansi.

Cutin an background a that caah dahkaw a sifak bakmi, a lung ai rual lo bakmi, fimthiamnak lei zongah a rak niam bakmi Chin miphun lak ah a har taktakmi hriamtlaih dohthlennak hi nihin tiang an kalpi khawh cu.

Tumtum le amah bantuk nih rak dirh hna sehlaw Tio ral an peh hlan ah an zertiannak nih anmah le mah a rak nawnter dih hna lai. A ngaingai tiah CNF hruaitu hna khi dohthlennak lam hi rak zawh lo in anmah pumpak duhdimnak rak ikawl hna sehlaw an zawhmi lam paoh in Chinmi lakah top a phan kho ding lawng te an si. Cucaah lungawtawm awk umlo tein zumtop ko hna usih.

Hi bantuk ca ka tial ruangah Tumtum catialmi a rel rua tiah ka ruat lem hlah u. An ka chimh caah a tawi khawh chungin ka vun tialmi a si. Tumtum catial hoi cu catial hram a rak ithawk khan mizer a si le Chin tuanbia a pelpawi taktak zong a rak theimi a silo kha ka rak hngalh cang i a catialmi zong rel tlak ah ka rak ruah bal lomi a si.

A catial rel awktlak in ka rak ruahlonak hi a kum in chim ahcun amah Tumtum hmanh nih a fonh thiam ti lai lo. Cuvial.