Pu Trump White House A Kir Than Hnuah Thil Cang Mi Cu Ngaihchia Ngai A Si

President Trump White House Ah Riantuan Hram Thawk: President Donald Trump cu nizan thawk in White House ah zungrian tuan hram a thawk cang. A riantuannak ah social distancing guideline ning tein rian a tuan.

White house a phak hnu ah covid 19 zawtnak muisam a langmi um ti lo. Ka dam tuk ko” tiah President Trump nih a chim. Asinain a sibawi te nih Covid 19 thlopning tein an thlop rih ti a si. Hmaizarh October 14 ah Joe Biden he debate tuah ding zongah timhlamhnak a ngei.

President Trump Nih Democrats Hruaitu A Mawhchiat Hna: President Donald Trump nih Democrats hruaitu hna le House Speaker Nancy Pelosi cu Stimulus Check pek khawh lo ruangah faak ngai in twitter ah a soisel hna. Mah tluk in American mipi nih harnak an ton I bawmhnak pek an herh lio caan ah Stimulus check cu politic game celhnak ah an hman.

Democrats party nih biapi deuh in an chiahmi cu tthitha in an uk khawh lomi democrats khua le state pawl bawmhnak lawng an tuaktan mi a si. American mipi le riantuan tu bawmh an I tim lo” tiah a chim. US i, sual a tamnak, meithal kah a tamnak le misifak an tamnak khua hi democrats pawl nih an ukmi khua a tam ti a si.

Mah ruangah President Trump nih Republican hruaitu hna le White house Secretary of Treasurer hna cu Democrats pawl he Stimulus Check kongah deal tuah ti lo ding le iceihhmainak tuah ti lo dingah nawl a pek cang hna. A ra laimi president thimnak tuah hnu tu ah a thar in ceihmainak tuah dingah nawl a pek cang hna. Mah ruangah tukum chungah cun cozah bawmhnak stimulus check ngah than dingah ruahchannak a um tuk ti lo.

Catialtu: Salai Lairamthang