Pu Trump Nih Biakinn A Kal Mi Ruang Ah Fakngai In DC Episcopal Bishop A Soisel

Nizan Monday ah khan President Trump cu St. John’s Biakinn ah a kal i cu lio ah cun Bible zong ai put kha hmuh cio le theih cio a si. Hi kong he pehtlai in DC Episcopal Bishop Rev. Mariann Budde President Trump cu ningzak ngai in a soisel.

Rev. Mariann Budde nih a chim mi cu “President Trump nih nizan ah biakinn ah zohdawh nak men in a rak ra, Bible cu akut cung ah aum ko nain Biakinn chung zong ah thlacam nak a ngei lo. St. John Biakinn cu US President pawl hna nih an rak rat tawnnak a si caah President Trump zong hi a rak rat sawhsawh mi a si.

Khrihfa ka si ti langhter nak men ah Bible hi a kut cung ah a chiah hi a si. Hi kong ah hin cun zeihmanh ka tuah khawh mi a um lo nain President Trump hi cu ka doh ngaigai ti lawng ka chim khawh” tiah Rev. Mariann Budde nih cun a chim.

Rev. Mariann Budde hi 2011 in DC Episcopal Bishop ah rak thim mi a si i mipi nih upat ngai mi zong a si. Biakinn ah a rak ra i thla zong a cam lo, mi lungfahmi zong a theih thiam lo tiah a mawt chiat. Pres. Trump cu Bible a ken i biakinn hmai ah a dir. Nain, Bishop aa lawm lo ngaingai.

Source: US News

 200 total views,  1 views today

This function has been disabled for Chin 11 News.