Pu Trump Lungre Thei In A Um, Thazaang Dihlak Bongh Ding Ah Michigan Lei A Panh Cang

Thazaang Dihlak Bongh hau in Re-election Campaign Tuah dingah Trump cu Michigan le Wisconsin lei Panh in a Kal

WASHINGTON (Reuters) – National poll ah Biden hnung lawngah ai zel peng cang caah, political support kawlhawl in nitlaklei states lei a vung tlawn hlan ah, Saturday ah Michigan le Wisconsin ah campaign tuah dingin timhlamhnak a ngei.

Covid in a damnak in ni tlawmte lawng a si ko rih nain, Nov. 3 election phaak nak dingin zarh 2 le a cheu te lawng ai duh fawn cang caah, a liamcia kum 4 lio i buan a conak states ah buan co than kho dingin Trump cu ram pumpi cuul in ai chok cuahmah.

2016 lio ah khan Michigan le Wisconsin ah hin khahlaan NY businessman (Trump) hi buan a rak co bal ko nain, a tutiang ko rih ah cun, poll ah cun Biden hnunglei ah ai thlai ko rih.

Tutan election i buan a co than khawhnak dingah a biapibikmi states ah hin Michigan, Wisconsin le Pennsylvania hi an si, tiah Trump a fimcheutu (adviser) nih an chim peng mi a si. Arizona telhchih in, Republican nih ralhruang (stronghold) bangin an i ngeih pengmi states pawl hi a si khawh chungin Trump nih humzual khawh ai zuam. Friday zaan ah khan Georgia ah campaign tuah a lim cang i, Monday ah khin Arizona lei ah tuah ai tim.

Pulrai ruangah Biden nih tuan ah khan a schedule tampi a let bal caah, kan hnung zarh hrawngin khan cun biataktein khualtlawn hram ai thok than ve cang. Saturday ah khin cun a chuahkehnak state Delaware ah caam ai tim.

Vice caah ai thimmi Harris belte cu a bawmtu Covid nih a tlunh hnu cun ni tlawmpal chung cu a khuallam ai din ta rih.

US presidential elections hi electoral vote ni lai a relmi a si i, hi vote pawl cu US states hna le pengkulh hna i an miluzat rup in phawtzamh ciomi vote a si. Rampumpi nih an pekmi popular vote hi lai a reltu taktak a si lem lo. Buan conak dingah hin, candiate pakhat nih electoral vote 538 lakin 270 tal hi a hmuh hrimhrim a hau.

Wisconsin nih hin electoral vote 10 ai ngeih i, Michigan nih hin 16, Arizona nih 11. Sunday i Trump nih campaign tuah ai timhnak Nevada nih hin 6 ai ngeih ve.

Cu vialte electoral vote pawl vun tinco khawhnak dingah cun, conronavirus he ai pehtlaimi buaibainak vialte an tawlrel ning a cuanmi vote petu pawl an lung laak khawh hi a biapi ngaimi a si te lai.

US lawngah minung 217,000 lenglo a thattu pulrai Trump a tawlrel ning a that lo caah Biden nih tha lo in a soisel.

Trump cu Mask hruk a duh lo zungzal i, ai pummi a mipi pawl zong cu Social Distancing an tuah fawn lo. US ah plural nih a tlunhmi a karh lei an panh peng ko rih bu ah le, a thimi zong an tamdeuh ding a fian ko rih bu zong ah cun, Trump nih cun pulrai hi zei sawpa ah a rel lo i, “Kan ram nih pulrai hi kan tei ngai ko cang” tiin a ti salam ko rih.

Pulrai a tawlrelnak kongah Trump hi biatak a chim lo, a daithlang fawn, tiin Biden nih Friday ah khan a soisel.

Ram pakhat dirhmun in cuhlan nakin kan tha deuhdeuh ko. Harnak kan tong ko nain, a tu nak tha le cak deuh in i sersiam than khawhnak caan tha taktak kan i ngeih ko, tiin Detroit i campaign an tuahnak ah a chim.

Trump nih cun nihin tiang zongah hin Pulrai a tawlrelnak kongah ai chimthiam peng ko rih.

“Biden tham nih cun pulrai doh duh ruangah kan US economy pi hi a ningpi in a herh lo ah a phih viar ko lai cu ta. Minung nunnak millions tampi kan khamh. Nihin tiang kan tuah khawhmi pawl hi khuaruahhar an si, tiin Friday i Georgia i mipi he tonnak a ngeih lio ah Trump nih a chim

Hmaizarh chung hi campaign tuah dingah a biapi taktakmi zarh a si cang i, a tu hi Trump cu a thazaang umek bongh in hnawhnam ngangin campaign tuah dingin hmunhma ai zuahmi pawl a panh cuahmah cang.

Debate caah faaktuk thazaang chuah in timhlamhnak ka tuah duh lem lo. Trump biachimmi hi ka ngeihpiak lai lo, tiin Friday zaan ah khan Biden nih thawnglatu pawl sinah a chim.

Catialtu: Chelsea Bawi