Pu Trump Kuttang Ah America A Buai Ngai Caah US Chin Mi Pawl Ralrin Deuh Kan Herh

Lucifer Fapa Donald Trump kuttang America ah buainak chuak cuahmah…

=====================================
Michigan an khualipi Lansing i vunrang hngawngsen khuaruahnak ngeilo pawl cu meithal he an au. An governor nu cu Nazi Hitler bantuk na si, ti in a bingtalet in an ṭhuat. Michigan lawngah cun si lo. Ohio he Virginia he vunrang molh deuh, Trump ṭanh phu cu an buai ve. Meithal pipi he bak, mipi zalam cung ah an chuak huar ko.

An pu Donald Trump nihcun, “Liberate Michigan”, “Liberate Ohio”, “Liberate Virginia” tiah do-au meithal tlai pawl cu a hei bawmh hna. “Nan 2nd Amendment zalennak kha itlaih uh” tiah a forh hna. “Nan meithal kha thlah hlah uh, rak itlaih ko ulaw, a herh ahcun, rak kap hna uh, cucu nan zalonnak a si” ti he ai khat. New York Governor Coumo cu, “Na holh le na zai tam tuk hlah. Na state chung mizaw kha nangmah tein ṭha tein rak izohkhenh deuh,” tiah a hei tongh. Amah holh tam, a thurhnawm a kaa chung chuak mi volhpamhnak vialte khi ai hmu kho lo.

Midang cung i an thang a hei chiat hna ning, lak awk tlaklo dingin bia chiachia a hman tawn ning pawl zok tikah khin, Khrihfa cu a si lo hrimhrim. Pathian a um ko ti vemi, Lucifer fapa a sinak tu a cuang. US khuasa Judah miphun pawl cu an thinphang ziar cang. The Times of Israel nih an thin phannak kong cu an ṭial.

New York khuabawi Mayor De Blasio cu mifim a si. Donald Trump sinah, thil sining tak theih khawh izuam law, bawmh a herh taktakmi kan siibawi te le kan nurse pawl ca tal ahhin cun, bawmhnak a herhmi bawmhnak pek khawh van kan zuam ko tiah a nawl. Trump lung nem deuh seh law, a lung ai thlen khawhnak tal ah ti in tlawmte a hei fak. Tulio caan ah cun, lung khat thin khat ṭuanṭi an herh lio caan cu si reeng cu mu.

Michigan Governor Grechen Mitmer zong nufim, nu menlo a si. Trump bantuk tehna he cun, an biachim hrim aa dang tuk. Ka ramkulh a himbawm khawhnak dingah cun a herhning bik le ai tlak ning bik in khua ka khan lai, a ti hna. Florida ah mipi cu ui le ar thlah in an thlah ciammam hna i an inuamh khawh ning. Vunrang cu, ka chim tawn lengmang bang, molh tuk hoi hna kaw, mask ai hrukmi pakhat hmanh um bak hlah. An rili kam ah an hoha lin le an inuamh ning hmanh.

Khiti ning khin cun, damhnak sii-ai tak an hmuh khawh lo ahcun, America vawlei ah pulrai rungrul a thian khawhnak ding cu a fawi lai lo. Second Wave nih a thuat colh hna lai i atu nakin let hnihthum zual nih den colh khawh an fawite. Kan Laimi pawl iralrin deuh hauh dawh si.

Catialtu: Salai C Alexander

 237 total views,  1 views today

This function has been disabled for Chin 11 News.