Pu Trump A Mualpho Ko Cang Ne Hih, US Ramchung Thawngzamh Ngakbik Nih A Langhter Mi

President Trump Nih Income Tax $750 Lawng A Pek: New York Times

2016 ah US rampi President sinak hmunhma a tei i, US President rian a tuan cuahmah lio mi President Donald Trump cu President a tuan chung ah income tax a pek mi $750 lawng a si tiah New York Times thanhca nih a tial.

New York Times nih President Trump nih ngunkhuai a peknak tehte kan ngah tiah an thanh. Cu tehte chung ah cun Trump nih ai ngeih mi Company nih hin kum 20 chung ah kum 15 chung ngunkhuai a hrial tiah a thanh chih fawn.

Hi kong he pehtlai in President Donald Trump nih “fake news” tiah a soisel hna. “Ngunkhuai ka pek ko. Ngunkhuai kong he pehtlai in ca a chuah tikah nan theih telai.” tiah a chim ve. Cu pin ah, “ramchung ngunkhuai peknak zung hi ka cungah an dikfel lo” ti zong ah a hrang.

President Donald Trump hi a rumlianhnak le Company a ngeih mi kong le ngunkhuai kong he pehtlai in cathanh chuahnak a ngeih lo ruangah Upadi phung ning in zuamcawhnak fak ngai a ton lio a si. 1970 kum hnu khan ngunkhuai kong he cathanh a chuah lo mi President zong a si.

Note: Hi tluk in mirum bak a si mi pakhat nih ngunkhuai a pek mi hi zoh ah cun ningzak le mualpho ngai a si.

Source: BBC

Credit: CBN

 140 total views,  1 views today

This function has been disabled for Chin 11 News.