Pu Thla Hre Aa Sum Kho Ti Lo, A Tuah Khawh Ding Mi Pawl Fiang Taktak In A Rak Chim Dih Cang

Independent Candidate Nih Tuah Khawhmi Tampi Angei

1.  Mee thlatu nih mee nan ka pek bak in MP ka tling colh ko lai. Party candidate he kaa dannak pakhat hmanh aum lo. Democracy ram ah independent le party an covo aa tluk bak asi i asang deuh aniam deuh ti aum lo.A lam thluan ngeih ning zong aa khat mi asi. Kaa hmaithlak mi cu Mizapi Caah asi.

2.  Mizapi Caah hmualngei asi mi atuan kho taktak ding cu independent Candidate hi asi ko.Mehmun chung ram mi he neihniam tein aa chawn bia kho zung zal tu Palai asi tihi ifian aherh mi asi. Aruang cu party minung cu party hruainak mithmai azoh hmasa zungzal caah mipi caah arian a tlolh sual lengmang tawn.

3.  A cheu nih Parlimentary Democracy ah Indepenndent Candidate a tlingmi nih Parliament chung an phak tik ah draft legislation achuhpimi cu midang MP pawl nih an dirpi ve lawng ah a nung an ti. A ralaimi 2020 thim nak ah zei ban tuk acozah an ser zong ah dirpitu MP pawl thawng lawng in a tlam a tling kho ve lai ti cu ifian ciomi a si. Cu caah Parliament chung ah thil tha a chuah pi khotu MP a biapi tuk ti a lang.

4.  Acheu party nih Independent cu teinak ahmuh zong ah kan la lai lo ti hi an chim tawn. 2020 election ah hin aho nih dah nawl angeih lai timi hi aho nih dah achim khawh.Achim tu party nih zei ti hmanh in bia khiah nak atuah kho lo.Aruang cu thim nak ah aluh lio lawng lawng asi ve rih i aa zuam mi aho he poh dirhmun aa khat rih mi asi. Bia khiak tu tak tak cu me hmun chung mipi lo in ahohmanh an um lo.Mipi kan upat ah cun kan mah nih independent pa lak nak nawl kan ngeih le ngeih lo chim ngam ding asi rih hnga lo.

5.  Political party i a rian cu nomination candidate kha a biapi tuk in achia lo ti asi. Keimah cu ka ram mi vial te caah hmual ngei ngai in rian tha tam pi tuan kaa timh caah Independent in kaa zuam mi asi i party mithmai kazoh lai lo. MP nan ka tlinter tu kha a biapi mi asi. . Cozah form atuah kho tu hi support tuah ding ah kaa harh fawn lo.A kai mi zei ban tuk acozah he poh rian atuan kho i ka meehmun chung caah hmual ngei ngaimi ka chim rel lai. Biatung ka derh mi poh zong mipi caah thiltha lawng te asi ko lai caah bia nun lo ding phan aum lo. A luancia minung le atu aa cuh lio mi party pawl nak in ka tuan kho deuh hrimhrim lai.

6.  Nan dih lak kan bochan ko hna. Mee nan ka pek ding kan sawm hna. Mee nan ka pek lawnglawng ah MP ka tling lai i Halkha le peng chung vialte caah timhmi rian ka tuan kho lai. A tutan thimnak ah Chin State chung independent in aa zuam mi minung 17 kan si. Kawlram chung ah 284 an si. Independent hi democracy phungphai nih a onhmi asi i Mipi caah tuankhawh nak le nawlngeih nak lam tampi aum.

7.  Pyithu hluttaw le Amyotha hluttaw ahcun nan duh mi pa zaa nu zaa ti mi zalong tein thla ko hna uh. Keimah kaa cuh nak Pyine Hluttaw hmun tu ah keimah Pu Thla Hre hi vote ka pe hram ko uh. Aruang cu mee nan ka pek lawnglawng ah Halkha khua le peng vialte caah luhlinh in Rian ka tuan kho lai.

8.  Midang nih nek lo mi Halkha, midang nih tihzah ve mi Halkha, covo vialte tling tein aco ve mi Halkha, adik mi cung ah raltha taktak in dirkamh khawh mi Halkha si ve cang seh ti ka duh.

9.  Atu tan hi teinak nahmuh ah si seh,teinak na hmuh lo sual ah si seh 2025 ah thimnak luh naa tim ti maw tihi bia hal nak an ka ngeih cio mi asi. Ram rian (politic) ah cun ka dam chung tuan ka tim ko na in thimnak tu ah cun a tu tan te lawng hi ka zuam lai.A ruang cu MP ka tlin ah cun midang ban tuk ka si lai lo. Kum 5 chung baa tak tak in rian tuan ding atim mi ka si.Pathian nih 2020-2025 tiang lam a ka hruai ah cun ka kum 67 ka tling cang lai. Thut nak siang lo phun in ka peh rih lai ti ka tim hrimhrim ti lo. Zei caah tiah 2025 ah cun kan mino mifim mithiam kan ngeih mi hna chung in atuan kho tu hmunhma kan pek ve cang hna lai i kan khua kan ram caah fak piin a tan pi ve tu ka si cang lai.

10.  Keicu kaa hmaithlak mi mizapi nan si caah nan lungsi tein nan ka fial khawh lai. Nanmah thawng in acozah ah raltha tein bia ka chim ve lai. Vawlei cung tuan bia kan zoh tik ah indepenndent in MP a tling mi hi Parliament ah telh dih an si. Cabinet level ah an luh ter ve ko hna. A tu ka vun chimmi hi mithmuh kut tawngh im chim khawh a si.

11.  Experience ka ngeih mi vialte le ka fimnak le ka thiam ka hngalh nak vialte cu Chief Minister (ဝန္ႀကီးခ်ဳပ္) level zong in a tuan kho ding mi dirhmun zong ka ngeih ve caah nan mee cu ka herh hringhran ko.

Na mee pakhat nih thil sining a thlen khawh timi hi ruatbu tein nan hnakkar ah ka tenh hram ko uh.

Upat nak he,

ThlaHre

Pyi nee Hluttaw no. 1

(ka rak peh than lai)