Pu Ram Khar Nih Tikir Dam Thawhkeh Ning A Tial Mi Hi Relphu Taktak A Si, Tha Kho Taktak

Tikir Dam Ai thok ning

By, Ram Khar

Tikir Dam hi thenkhat ruah nak ah Vice President Pu Henry Van Thio rian a tuan hnu lawng in tuanchuah mi ah kan ruah . A rak I thok ning tak cu mah ti hin a si .

1998 Kum lio hin Tikir khua Pawng ah um mi “Tikir Kual “ ti mi hmun hi hmunhma rem,hmun tha , Hmun dawh a si caah hin hi lio ah Pah Wa Tah (Ohkathah) a rak tuan mi Ral Bawi BohmuCi Tan Aung nih a ke bak in Ni li lam kal in a rak zoh hma sa ti si . Hi lio ah hin Motor lam zong a um rih lo .Cu hnu ah a mah a chawng mi , Pa Wa Tah (Ohkathah) a si ve mi ,Bohmu Ci Tan Win nih a rak zoh I Tikir Kual (Tikir dam tuah nak hmun) hi Ka hmuh mi hmun hma vial te ah Hmun hma dawh ,Hmun hma tha Bik a si tiah a rak chim ta ti si .

Hi lio ah hin tikir hi Thantlang Peng chung ah pehtlaih nak Lam le Sul lei ah a rak Chiat lio Bik caan a si . Cozah lei zong nih Hnu rak chit mi khua a si . A ruang cu Pehtlaih nak a Chiattuk caah si . Tikir Dam tuah khawh nak ding ah cun hawi hlan cem ah Lam a pem hmasa a hau ti a si caah , 2003 Kum ah Natalah Zung lei in Tikir le Hriangkhan Khua kar Lam cawh nak ah tiin Kyat Sing (272 ) an rak thlak cu zong cu an rak chuh than hna . Cu lawng si lo , 2013 Kum ah Myat Nu thu Company nih Tikir le Hriangkhan kar Lam cu A lak (Free) in an rak cawh piak than hna I an lim hlan ah an ngol than hawi . Cuhnu cun a hung um than Pu Henry Van Thio (Bohmu) Pensen a lak hnu ah Cozah sin ah Tikir Dam tuah nak Ding rak hal nak ca a rak chiah .

Cu hnu ah Kawl Ram President Zung in 2013 Kum ah Tikir Kual ( Dam ) tuah nak a tha maw tha lo Servey tuah ding ca an rak chuah . Mah hnu cun USDP Cozah kai hnu 2013-2014 Budget Kum ah Tikir Dam tuah nak ding caah tiin Phaisa sing 2000 an rak thlak piak hna . Cu zong cu Tikir Dam tuah lo in Thantlang Peng Lautu lei Khua (4 ) ah Sing 2000 cu Lei Tilam tuah nak ah thenh phawt than an si . Dam tuah nak ah hman a si ti lo .

A Liam cia caan Zei mawzat ah hin Thantlang Peng ah Pehtlaih nak Lam Le Sul lei ah hin Mara Tlang le Bual Peng hi hawi hnu ai thlai mi, a chiabik mi peng Tlang an rak si .
Kum 2015 , NLD Cozah a hung Kai hnu in Kanpa Pu Henry Van Thio nih a Liam cia Caan Zei maw zat lio I Tikir Dam tuah nak Ding ah timh tuah mi vial te cu a thar in a van peh zulh than caah ni hin niah hi DAM cu tlam a hung tling .

Tikir Dam tuah nak hmun cu hmun hma tha /Rem a si caah Japan ram in a rak tlung mi Mr.TERUMI TAKA OKA cu Tikir Dam le a Pawng kam a zoh tik ah hmailei thil a hmuh colh hi hmun hi hmai lei caan ah cun Ramchung ramleng Khual an ngamnak hmun (Tourists Attraction) hmunnuam ah a cang te kai ti hi a hmuh colh . A mah Pumpak in Kawlram ah a um bal lo mi Thingkung Maple Kung (3000) le Japan Cherry Kung 1400 Cu Japan Ram bak in a rak phurh I a mah bak nih a rak Cin pi hna . Ni hin ni ah cun duh nung ngai in an nung dih . Zei tluk lunglawm dah si .

Thantlang peng Bualpeng hi NLD Cozah Kai hlan a si ning ruah ah cun lungfak tuk a si . Hawihnu ah rak kal tak mi peng le Tlang a rak si . Voi tampi cu Thancho nak lei nih kal tak a rak si Nihin ni ah hi dir hmun an phak mi hi Pathian Thawng /Pathian Thluachuah a si hrim hrim ti hi kan theih awk a si .

Tikir DAM kong ah hin Bia Vaivuan tampi a chuak tawn Kan Pa, Pu Henry Van Thio zong a si lo ning pi in an ti nak a um tawn . A ngai ngai tiah cun Tikir Dam hi Tikir khua caa lawng a si lo . Bual Peng caa lawng zong a si lo .Thantlang Peng kan dihlak ca a si . Chin ram ca zong a si . Nihin ni ah Cu ruahnak cu kan hmuh khawh rih lo hmanh ah a ra lai mi caan ah cun kan hmuh te hrim hrim Ding si . Tikir DAM bantuk hmunhma rem a tha mi hmun a um si cun rak chuah pi cio uh . Hal khawh le tuah khawh I zuam hna Usih . Thantlang Peng Farawn khua zong ah hmun hma an rak zoh Na in a rem deuh lo an ti . Hmunhma dang thei mi le hmu mi nih ruah nak zong rak chuah cio Ding in kan Sawm chih hna .

KanChinram ,ThantlangPeng,Bualpeng ,Tikir khua hna i Hi Tikir DAM pi a hung um khawh mi hi Kan Biak Pathian Thawng a si ti tu hin kan ruah deuh Ding a si . Pathian Thluachuah a si ti in ruah khawh tu hi a biapi mi cu a si .

Note: Thawngpang Relnak Facebook Page ah kan Copy mi a si. 

 222 total views,  1 views today

This function has been disabled for Chin 11 News.