Pu No Than Kap le CNDF Ralkap Pawl Hi Cu Uar An Um Taktak

CNDF le Pu No Than Kap cu uar an um lawlaw si ko, relding um lo lawlaw an si ko

Dohawk nak ah tactic thiam hi thupi zat mi si ih tufang rampi politics thu (NLD leh Min Aung Hliang buainak) hrim ahcun tactic hmangthiam a pawimawh nasa ti cu kan thei cio ko ding.’

Tufang ah Pu No Than Kap cu CNDF ah advisor a si nain zohman hnen ah theihter loten a thup tein advisor sinak ih an ret hrim hi cu an tactic a rak maktuk nak pakhat cu a si.

CNDF lam in Falam pengsung Sakhan pawl a kap lo ding ih a tul mi khal a si lo. Kan falam peng a humhimnak ding le miphun kan sinak ah kan mipi ralkap a tul ve ruang ah an din mi a si ti khal mipi cun nan theiban ka zum zik lo.

Pu No Than Kap cu CNDF ah advisor a si nain Yangon khawpi ah himzat in a um thei, SAC lam in ziangmi harsatnak hman an pek lo, ziangruang ah timi sut ciamco tul loin a fiancih mi cu, CNDF cu a him, doawk ciamco an tum lo ti le, tutum buainak cu NLD le Min Aung Hliang pahnih kar a si ruang men ah kan mah in cangvai ve ciamco a tul lo ti an fiang ruang ah si ko.

Falam khuapi ralkap sakhan an kap ve lo ding maw an ti ciamco, kah a tul lo, CNDF policy khal ah a um lo ih, Kalay kabaw PDF le KKG hne ah pakhathnih an va tel ve thei mi kha a tawktuk zo ti an theithiam.
Himi hi kawlca in translate in tuaksak hram hlah uh, kan kan ram buainak thuhla nan fian ve nak ding ah ka runngan ve mi sihi.

Be the first to comment

Leave a Reply

Your email address will not be published.


*