Hakha Khua samhnak Innhmun a Tingmi pawl, SAC nih Hmun Catlap an Pek Hna tiah theih a si. Hakha Biaknak lei kan pale, zatlangbu lei tiah Covid runvennak an tuah lio cuahmah ah mibu pumhnak ralkap he va tuah ko cu ngaihchia kan si ko.
Cun Cozah rianttuan tampi nih an pawcamnak kal tak in CDM an tuah lio cuahmah le Mino tampi nih nunnak le thisen an pek cuahmah lio ah hi bantuk thil a vun um ko rih cu ngaihchia ngai ngai kan si.
Hakha khuasamhnak hmun Acre 676.45 chung ah innhmun a tingcomi minung 246 cu nihin zinglei sml. 9:00 ah SAC nih innhmun catlap (မြေစာရင်းပုံစံ – ၁၀၅/၁၀၆) an pek hna. Innhmun catlap peknak cu Chin ramkulh cozah zung meeting room ah an tuah, tiah kan theih.
Hi kong he pehtlai in Salai Sang Hnin Lian, Chin Human Rights Organization (CHRO) lutlai pakhat a simi nih a hmuh ning comment cu a taanglei bantuk hin a pek ve.
“Maw ka thin! Biaknak lei le kan pa le nih , kan him deuh hnga maw tiah, [Ralkap uknak duh ruang silo in] thideng in Zawtnak a karhlonak ding ah runven in zuam cuahmah lio le a khawntrawl khawh tiah ruah lio pi ah, hramhram nawlngeinak a la ko mi nih mi tuah ciami [zapi lungtlin zong a si lem lomi] kong ah pehzulh in rian kan tuan ti phun i um ter i mibu tonnak tuah zong cu hmmm! Irresponsible” Salai Sang Hnin Lian
Leave a Reply