Pu Ngun San Aung Cu Ralkap Nih Hmunhma An Pekmi A Cohlan Timi Cu A Mah Lawng Nih A Ruang A Teih!

Pu Ngun San Aung hi Matupi khuami nih an ibochan ngaimi asi. Kawlram chung Chin sianghngakchia pawl Matupi khua ah seminar kan rak tuah lio ah siapi pakhat a rak kan thah piaktu asi. Afale ThangThang le LingLing zong he kan rak ikom ngai. An inn zong voi tam nawn ka rak lungchuahnak a rak si.

Tutan Chin state uktu dingah ralkap nih an pekmi rian a cohlan ti ka theih tikah ka sia a rem lo, ka lung cu a tlingpi lo. Zeiruangah ralkap nih hmunhma an pekmi a cohlan timi cu a mah lawng nih a ruang a theih bik ko lai. Ralkap nih hmunhma a pekmi Chin miphun pawl zoh hna ah naingngaizi tama siloin an chimmi a ngai ding tete an thim hna ti cu a lang ngai. ” Thut” , ” Dir” an ti ningin a um ding deuh an si hna timi a lang.

A mah Pu Ngun San Aung siloah Chin miphun pawl nih ralkap pekmi hmunhma hi la hna lak sehlaw nelrawn Kawlpa hna Laitlang uktu ah rak kai sehlaw a tha hnga maw ti ruah awk cu a um ve. Chin miphun chungin ralkap uknak tangah nawlngeihnak iput in lam lai a kalmi pakhat pahnih hi democracy lamzawhnak ah hawikom tha an si te lai maw/lo cu an tuahsernak in a lang te ko lai. Credit: Salai Z T Lian