Pu Lal Maung Cung Nih Cathanh A Chuah Than, Bialo A Si Chin Lengmang Ko Cang

Nizan ah Thantlag CNLD upa hna cathanh chuah nak ruang ah mipi khuaruah har in kan um dih hna I zeitin dah Thantlang peng CNLD hi an sit e lai tiah lungrethei in kan um cio hna. Asinain an that e ko lai tiah ruahchan nak he kan zoh ko hna lio ah tunai teah khan Thantlang CNLD Chairman a si mi Pu Lal Maung Cung nih cathanh a rak chuah than mi ruang ah lungthin a nuam lo ngai.

Pu Lal Maung Cung nih cathanh a chuah than mi ah a tial mi cu “Thantlang Miphun Party Thanh Ca No.2. Thantlang miphun party hrawh ding in Hakha in a hong mi Salai Mang Hre Lian le Salai Ngun San Aung hna dirh mi CNLD party thar cohlan lo nak” tiin a tial hnu ah official tein tial mi cathanh a rak tarlangh chih.

Hi bantuk in upa lungfim le bochan mi tiah ruah mi hna an mah le anmah an I cheh hnawh le an buai ah hin cun zeitin dah mipi nih vote kan pek kun hna lai. Thimnak hmanh a si hlan ah sinak ah an buai cang va si kaw, thimnak ah teh an I tel kho ne hnga hme maw ti hi ruah lo awk a tha lo. CNLD cu miphun party a si tiah chim cio mi le ruah cio mi a si caah thazaang a pe mi kan tam ngai.

Asinain ruahchan nak kan ngeih mi vialte cu a lak ah an si ter dih ko lai, anmah le anmah hmanh an I hruai kho lo mi cu zeitin dah mipi cu an kan hruai hnga, sinak ah an buai lengmang ah cun zeitik ahdah mipi caah khuakhan lairel nak an ngeih lai. CNLD hi kan chuah tak dih maw a herh ko cang ne lai?

 237 total views,  1 views today

This function has been disabled for Chin 11 News.