Pu Kim Nih President Trump Le Melania Trump An Damnak Ding Ah Thla A Cam Piak Hna

North Korea ram Supreme Leader a si mi Kim Jung-Un nih COVID-19 in a zaw cuahmah mi President Trump le anupi Melania Trump caah damnak an hmuh khawh cawlh nak hnga ding ah thla za a cam piak hna nak kong cu tuchun October 3 ah khan Korea ram thawngzamh zung ah a chim.

“President Trump le First Lady Melania nih damnak an hmuh than hrimhrim nak lai ruahchan nak an ngei, cu ruahchan nak an ngeih mi cu a tlin khawh nak hnga ding ah le damnak an hmuh than nak hnga ding ah thla ka campiak ve hna. Cun hika hmun hin a sunglawi mi kutlaih nak zong ka ngeih hna pinah an caah thla ka cam ko” tiin Kum Jung-Un nih cun KCNA (Korea Central News Agency) ah cun tuchun ah khan a chim hi a si.

President Trump le anupi COVID-19 positive an si hnu ah mipi sinah President Trump nih a chim mi cu “a rannak in kan dam than cawlh hrimhrim ko lai ti mi ruahchan nak kan ngei ko” tiah October 2 ah khan a rak chim cang mi zong a si.

Cu ruahchan nak an ngeih mi kong cu President Trump nih Twitter hmang in a rak tial mi a si i cu hnu ah vawlei cung dihlak cul in thawngzamh nih an rak langhter chin mi zong an si. President Trump le a nupi nih pulrai zawtnak an ngeih mi kong ah N. Korea Leader Kim Jung-Un zong lungnuam lo ngai in a um ve ko.

Source: Focus Myanmar

 118 total views,  1 views today

This function has been disabled for Chin 11 News.