SAC Ralhrang nih Camp Victoria kah dingin timhtuahnak an ngei ko ti cu a fiag bak tiah Pu Htet Ni nih a chim. Kawlrawl in an van thlah hna i, Tidim ralkap Falam ralkap le Hakha le Thantlang ralkap an van i colh i minung 250 leng ralkap nih Cam Victoria kah dingin an ra.
Kap hna hlah sihlaw Khualhring tlang ah hmun hma an khur kho. hmun hma an khur hnu i hriamngam an i chiah cia a si ahcun an kan thah dih ko lai. Mah ti timhtuah dingin an ra lio i kan kah hna ahcun hmun hma an khuar kho lo i cu ti cun kah an herh ko. Cu hlan cu ram an kan pek mi te ah kan um i a tucu an kan pek lonak Khuahring tlang le Laiva tiagah kan um cang.
Ralhrang pawl sia rem te i hmun hma an khuar hlan lengmang ah kan kah hna i an khuar kho lo tiah a chim . Cun mipi nih kahnak a chuah poh ah CNA khoika ah dah an um dih tiah an au lengmah, kahnak poh poh ahcun kan ralkap kan an i tel peng an mah nih an hruai hna i an mah nih an kah pi peng hna, kan um sawhsawh lo tiah a chim chap;
Cun Mindat kahnak kongah CNA an i tel lo tiah an kan mawh chiat, Mindat raltuknak ah hin kan mah CNA ralkap tampi kan thlah hna i an i tel peng ko. Kan Ralbawi 3 a si mi CSO pa nih a um pi peng hna Mindat ah hin. Kahnak hmun pohpoh ah hin kanmah nih kan hruai hna i kan i tel peng tiah a chim chap. Vaurawng Zuntihl ah lak mi a si
Leave a Reply