Pu Henry Van Thio Zawtnak A Ngei Kho Tiah Thinphang Mi An Tam Caah Anna Sui Hluan Nih A Chim Mi

Tuzing thawngpang mi ruangah Chin mi vialte thinphang khuaruah har in an kan chia dih manh tu thawngpang pakhat cu Pu Henry Van Thio zong zawtnak a ngei kho ve mi a si tiah an hun chim mi hi a si. Hi kong he pehtlai in Pu Van Thio nupi a si mi Dr. Anna Sui Hluan nih amah pumpak facebook ah hi ti hin a rak tial.

“Thinphang thla lau in a um mi hna le ngandam nak kong ah thawngpang an kan halt u hna nan dihlak cung ah lunglawmh nak kan ngei. Tuzing tiang ah cun ngandam tein Ney Phi Daw inn ah zingrawl kan ei ko” tiah a rak tial hi a si.

Tulio zawtnak rungrul tihnung mi ruang ah Kawlram chung mipi hna zong thinphang le lungrethei in um cio a si lio ah Pu Henry Van Thio zong hi zawtnak a ngei kho mi a si ko tiah mi tampi nih cun an chim cio mi a si ko nain nihin tiang ah cun kan dam ko tiah Dr. Anna Sui Hluan nih cun a rak chim hi a si.

Hi thawngpang ruang ah hin chikhat cu mipi thinphang in um cio a si caah mipi nih Pu Henry Van Thio kong ah lungretheih nak an ngeih nak hnga lo ding ah Dr. Anna Sui Hluan nih a rak chim hi a si.

Source: Dr. Anna Sui Hluan’s fb

 162 total views,  1 views today

This function has been disabled for Chin 11 News.