Pu Donald Trump Nih Covid-19 Ai Thok Nak In Nihin Tiang Ah A Voikhat Bik Thil Thar A Tuah Mi Pakhat

Coronavirus pulrai zawtnak a chuahnak in mipi hmuhton nak hmun ah le meeting hmun ah voikhat te hmanh hmurhmuh (Mask) a hmang duh bak lo mi Pu Donald Trump zong nizan meeting a kal nak ah cun Mask a hruk ve cang caah cu cu Covid-19 a chuah hnuin a voikhat nak bik thil thar a tuah mi a si tiah an cohlan piak I record thar a tial tiah zong an ti piak mi a si.

Cun nizan ah khan Washington DC lenglei ah ralkap pawl pawl an umnak hmun I hliamhma a hmu mi pawl hna le a damlo mi hna pawl, cun an sibawi te va ton hna ding ah Pu Donald Trump cu a rak kal hi a si I cu ah cun Mask he bak a rak kal ve cang ti a si.

Walter Reed National Military Medical Center ah a kal nak ahhin Pu Trump nih mipi hmuhton nak ah a voikhat nak bik Mask he a chawhvah zong hi a si. Pu Trump hi cu hlan ah khan cun Mask hi zeidek ah a rel le a hmang duh bak lo mi a si pinah midang zong Mask hmang lo ding in a rak chimh lengmang hna tiah an chim.

Asinain Pu Trump zong hi tampi a lung ai thleng ve cang a si lai tiah an zumh, nizan ralkap pawl umnak Walter Reed ah bia a chim mi cu mipi he hmuhton nak hmun le minung tamdeuh umnak nan tlonlen tikah Mask hi nan I bunh hrimhrim awk a herh mi a si tiah a rak chimh ve cang hna.

Source: Akon ThiĀ 

 172 total views,  1 views today

This function has been disabled for Chin 11 News.