Pu Bawi Vung Hi Aho Daithlan Ruang Ah Dah A Thih, Kan CM Lian Luai Hi Ai Hngilh Peng Rih Ko Maw

Nizan tihni ah Thantlang siizung ah rilfonghlei operation tuah ding in an kal pi mi Pu Bawi Vung cu hih-sii an chuh nak ah a thisen nih a chei lo caah a nunnak a liam tiah Thantlang siizung lei nih an chim ning a rak si. Asinain Pu Bawi Vung thihnak kong ah hin cun Thantlang siizung riantuan tu/siibawi daithlan tuk ruang ah a si ko.

Pu Bawi Vung thihnak kong he pehtlai in Salai Lungthli Tum nih a chim mi cu “A thi hnga lo ding an thih ah hin lung a fak khun. Pu Bawivung hi aho daithlan ruang ah dah a thih? Felfai tein a rian a tuan lomi siibawi hi dantat awk an si lo maw? Kherhhlainak tal tuah awk si lo maw? Kan CM Lianluai hi ai hngilh peng rih ko maw?” tiin a chim hi a si.

Damnak hmuh duh ah siizung phak pi a si ko cang mi Siibawi nih daitlang tukin an zohkhanh ruang ah le siibawi pawl riantuan nak a hmanlo ruang ah a dam kho ko hnga ding mi nih an kan thihtaak ko hi cu lung a fak hrim ko. Cu ruang ah hi bantuk thihnak kong ah hin cun Chin ram CM pawl zong nih an hlathlai ding le tuanvo an lak ve ding zong a si.

Cu ruang ah Salai Lungthli Tum nih CM Lian Luai hi a hngilh peng rih ko lai maw? Tiah a hlam nak ruang zong hi a si. Salai Lungthli Tum hi MP ah tling sehlaw Chinram le miphun caah thiltha tampi a chuahpi kho tuding a si.