PSG Players Pawl Nih Cathanh An Chuah! Champion Leageue Hi Ramdang Ah Kan Chuih Lai An Ti

European Champion League chuih ding ah a taangrih mi puai vialte hna hi ramdang ah kan va chuih ko lai tiah PSG players pawl nih thawngthanh nak cathanh an chuah. French ram cu September thla tiang lockdown ding in thawngthanh nak an tuah mi ruang ah zeibantuk lentecelh nak hmanh nawlpek an si lo caah bawlung chuih kho ding an si ti hna lo.

Cun European Champion League hi a ra lai mi August thla in thok than ding a si cang fawn. Asinain PSG pawl cu an ramchung ah anmah nih an i ngeih mi celhtual ah bawlung chuih nak nawl an ngei lo, cun PSG hi anmah celhtual ah Quater Final a chuih ding an si cang fawn caah cu European Champion League Quater Final cu kanmah celhtual ah chuih loin ramdang ah kan chuih ko lai tiah thawngthanh nak cathanh an chuah hi a si.

Hi kong he pehtlai in PGS maneger zong nih a chim ve mi cu “French acozah le nawl ngeitu hna nih thawngthanh nak an tuah mi hi cu kan zulh a herh mi a si. Cu ruang ah ramdang tu ah kan chuih ko lai. Asinain zei ram ahdah kan chuih lai ti hi cu a fiang rih lo, players caah siseh, a rak zohtu hna mipi caah a himbik nak hmun le ram ah kan chuih ko lai” tiah a chim ve.

Ref: DVB

 163 total views,  1 views today

This function has been disabled for Chin 11 News.