Prince Harry Cu A Biachim Sual Mi Ruang Ah Social Media Ah Mawhchiat Aa Huah

Prince William naupa Harry cu British pawl nih social media ah fak ngaiin an mawhchiat, a ruang cu Coronavirus kong hi media nih an ttial le an chimning tluk i a zual hma lo tiah a chim caah a si.

Mah cucu “Declassified” Podcast ah a chimmi a si i Media lawng hi thawngpang theihnak a simi hi cu thinphang ngai a si ko, tiah a chim chih.

Mah cucu siibawi te si hna seh social media i min ngei tampi nih “Media hi um hlah sehlaw zeidah kan lawh hnga,” tiah an leh i journalist pawl nih cozah ttuanvo an an ttialmi siseh thawng an kan thanhmi thawng in pei theihnak a um i siibawi te tampi kan rianttuannak zong bawmtu a si cu, tiah an leh.

Harry hi nupi a ngeih hnu in Media nih an zulhdawi ngaimi a si i cu ruang zong ah UK le siangpahrang chungkhar a chuah tak phahnak a rak si.

Laknak: Teirial Catialtu

 143 total views,  1 views today

This function has been disabled for Chin 11 News.