Primary Sianginn Ah Hngakchia 100 Leng Nih An Ei Mi Rawl Ah Sii-Vai An Peh Piak Hna

Tuluk ram Beijing khuapi chung ah a um mi Henan Parimary Sianginn pakhat ah hngakchia 100 nak tam sianginn a kai mi an um hna i cu an sianginn ah rawl an pek mi cu sii-vai an rak telh piak hna tiah theih a si.

Hi kong he pehtlai in Tuluk acozah lei zong nih hlathlai nak an tuah cuahmah lio a si. Taang-4 riin a tanglei pawl ca an chimh hna nak hmun a si i rawl an pek dih hna bakin hngakchia 100 leng cu luak chuah, lungmih, pawfah le lufah in an um hna.

Cu ruang ah cu sianginn ah a um mi rawlchumh nak khaan le an rawl chumh mi pawl zong felfai tein an chek cuahmah lio a si. Hi sianghngakchia nih an ei mi ti-rawl hi company pali nih an rak bawmh mi hna zong a si i cu company bawmhnak zong cu felfai tein kan chek rih lai tiah an chim.

Cu ruang ah sii-vai a ei sual mi hngakchia 100 lengkhai cu Yucheng Bureau of Education tuanvo ngeitu nih siizung an an chiah dih hna lio a si a thi mi tucu an um hraw lo tiah an chim. Hnakchia 100 lengkai nih sii-vai telh mi rawl an ei mi ruang ah an nu le pa pawl zong faktuk in an thinhang hna caah cozah tuanvo ngeitu nih felfai tein nan kan tawlrel piak nak lai kan in nawl ko hna, cun siizung ah kan dih mi vialte zong an kan liamh dih lai tiah an chim.

Source: D Nae Khit Media

 183 total views,  1 views today

This function has been disabled for Chin 11 News.