President Trump Nih US Ram Nih A Ngeih Mi Phunghram Ning Tein A Chuah Pi Cang

President Donald Trump nih US constitution le phungning tein Amy Coney Barrett cu US Supreme Court baiceihtu dingah nominate cu nizan ah White House ah a tuah cang.

Amy Cone Barrett cu kum 48 lawng a si. President Trump nih 2017 ah Federal court 7th Circuit Court of Appeals ah rian a rak piak cangmi a si. University of Notre Dame Law School in degree a ngahmi a si i mah sianginn ahcun Law professor zong a tuanmi si.

Same sex marriage timi nule nu, pale pa, sualnak le thit-umhnak a pom lo taktak mi khrihfa zumtu pakhat a si. Nau hrawh le nau thah zong a hua ngaingai mi a si caah same sex marriage le abortion a pommi LGBTQ le democrats pawl nih cun an huat taktak mi a si caah a herhning poah in kan kham lai tiah an i hrocer.

President Donald Trump nih nominate a tuahmi cu Senate Judiciary committee nih October 12 ah opening statement le hearing an thawk lai. Hearing hi October 15 ah lim a si lai. Mah hnu ah Senator minung 100 nih vote an thlak lai i, vote 50 tam in an fehter lai. Senate ah Republican party minung 53 le Democrats 45+2 Independent an um.

Obama chan kum 8 chung i liberal biaceihtu hna nih Khrihfa zumhnak he a kalh in thil an tuahmi vialte cu a khupthal a leh lai tiah zumh a si.

Catialtu: Salai Lairamthang

 167 total views,  1 views today

This function has been disabled for Chin 11 News.