President Trump Nih Taliban Hruaitu Pawl A Chawnh Hna

President Trump nih nizan White House ah hmuhtonnak an ngeih lio ah khan mipi sinah thawngthanh nak pakhat a tuah hna i a chim mi cu Afghan Taliban an hruaitu a si mi pawl he chawnh biak nak tha tein kan ngei i kan biachim mi a tluangtlam ngai, bia tha in kan i chawnbia kho pinah daihnak sersiam dingin bia kan i ruah kho tiah a chim.

USA le Afghan hi kum 18 hnuah a tubantuk in Peace deal, daihnak hnathlak nak sersiam ding ah an i chawnhbiak khawh hi a si. Hi daihnak minthut hnatlak nak hi USA president thim nak chung ah zeihmanh buaibai nak a um nak hnga lo ding le Afghanistan ah a um mi US ralkap pawl daitein US ah an rak kir than khawh nak hnga ding caah a si tiah President Trump nih cun a chim.

President Trump nih a chim ning ah cun “nizan ah khan Taliban an hruaitu he biaruah nak kan ngei, kan biaruah mi a tha i ka duhnak tuahpiak ding in lungtlin nak zong a ngei” tiah White House thawngzamh hna sinah President Trump nih cun a chim hi a si.

Cun a chim rih mi cu “Taliban pawl zong nihhin daihnak tuah in minthut hi an duh mi a si ko i kan nih zong nih cu daihnak minthut cu kan duh ve mi a si ko caah a tu cu kan i timh mi a donghnak minthut nak zong kan phan cang tiah President Trump nih cun a chim hi a si.

Ref: The New York Times

 220 total views,  1 views today

This function has been disabled for Chin 11 News.