President Trump Nih Roger Stone Zalennak A Pek Than Mi Ruang Ah Soisel A Hlawh

America President Trump nih caan saupi a hawikom tha a si mi le ruahnak cheu tu ah a hman mi  Roger Stone cu nizan July 10 ah khan kum 3 le cheu chung thongthak ding in biachah nak an rak tuah piak mi chung in President Trump nih zalen nak a hun pekthan caah lunglawmh nak in a hun khat.

Roger Stone hi US President thim nak kong ah Russia nih an chim mi le an cawlhcangh ning kong ah US Parliament sin ah lih a rak chim caah le biahman chim lo ding in zik a nawh mi hna an theih piak dih hnu ah kum 3 le cheu chung thongthlak ding in biachah nak an tuah piak mi a rak si.

Hi bantuk in  Roger Stone sining kong fiang tein an theih hngalh dih ko bu ah President Trump nih a ngaihthiam i zalen nak a pek mi hi khuaruah har ngai zong a si tiah an chim cio. Cu ruang ah President Trump nih kan ram phunghram hna le biaceih bawi nih a thlak an ti ning in biachah nak an tuah cang mi kong ah a hawikom pakhat luatter nak ding ah cun zeirel loin a um ko tiah an soisel nak hi a si.

Roger Stone hi kum 3 l cheu chung thongthlak ding biachah nak an tuah mi hi a ralai mi July 14 ah fehter ding a si caah cu hlan ah cun President Trump nih ngaithiam ding in le zalennak pek than ding in nawl a chuah hi a si.

DVB

 154 total views,  1 views today

This function has been disabled for Chin 11 News.