President Trump Nih Muslim Ram 10 A Phihkhar Mi Hna Le Myanmar Ram Kong Fianter Nak

USA President Trump nih hin Muslim ram a si mi hna ram 10 cu US ah lut kho lo ding in phihkhar nak a rak tuah piak hna. Zeiruang ahdah cu ram 10 hna cu a phihkhar hna ti a si ah cun USA chung ah Muslim biaknak a thancho khawh lo nak hnga ding ah a si. Cu Muslim ram 10 hna cu Iran, Libya, Somalia, Syria, Yemen, Sudan, Nigeria, Kyrzystan, Tanzania le Eritrea hna hi an si.

Cun Muslim ram a si ve lo mi hna chung in ram 2 hi USA ah lut kho lo ding in phihkhar an si ve i cu hna cu Myanmar le N.Korea ram hi an si. Zeiruang ahdah Myanmar hi President Trump nih a phihkhar ve ti a si ah cun Rohinghya Muslim ruang ah hin a si tiah an chim, cun Myanmar citizenship i awlzaang tein an hmuh khawh hna caah Muslim pawl nih Myanmar citizenship hmang in USA ah an rak lut sual lai ti hi fiang tein a theih ruang ah Myanmar ram hi USA ah lut kho lo ding in a phihkhat ve nak zong hi a si.

N.Korea zong hi Muslim biaknaka bia mi cu an si lo nain USA le N. Korea pehtlaih nak a that lo ruang ah phihkhar an si ve nak hi a si. Cun Chad le Iraq ram zong an i tal ve ko nain hi ram 2 hna hi cu an konglam fiang tein langhter a si lo. Cun India President Modi zong nih Muslim ram 3,Pakistan, Bangladesh le Afghanistan ram hna cu a phihkhar ve hna caah biaknak ral a tho sual lai ti hi thinphang in an um ko hna. Ref: Mizo World News

 846 total views,  1 views today

This function has been disabled for Chin 11 News.