President Trump Nih Mah Tluk Rangin Covid-19 Khamnak Si A Ser Khawh Hi, Bawipa Nih A Um Pi Caah Si!!

Tutan vawlei cungpi nih pulrai kan tonmi cu a caan a sau pah ko cang! Tutan purai ah hin Trump hi USA President si hlah seh law, mah nak hin USA minung hi an thi men lai dah tiah ka ruah!

Zawtnak a van i thawng in zeitluk indah rian atuan, WHO pawl zong a phomh2 ko hna. Mimit hmai a zoh lo. USA ram cu China pawl rak rat lo dingin a phit ning te hna van ruah ah khan, Trump hi Pathian nih a um pi i, fimnak a pek mi a si ko tiah ka ruah ko.

Tutan zong Covid-19 i khamnaksi mah tluk riantangin a ser khawhmi hi, Trump hi Pathian nih a umpi i, a sunparnak langhter a duh caah a si bak lai tiah ka tuah ko. Atang lei ah Covid-19 si konghe pehtlai in Salai Lairamthang nih a tialmi ka van tar chih!!

“Moderna sii company nih an serchuah mi Covid-19 khamhnak si phunkhat cu a donghnak hneksaknak an tuahmi result ah 95% a khamh khawh tiah tuzing ah Moderna CEO Stephane Bancel nih a chim.

President Trump zong nih a lawmhnak Twitter ah hi tin a tial, “For those great ‘historians,’ please remember that these great discoveries, which will end the China Plague, all took place on my watch!” President Trump nih Mah bantuk sii rianrang tein an ser khawhnak dingah red tape timi rule and regulations tampi a chah hnu ah rianrang deuh in an ser khawhnak a si.

Mah thawngpang nih vawleicung politician tampi le sii lei thiamsang mi an lung a lawmhter hna. Stock market zong a kai colh ti si. Hmaizarh chungah FDA nih approve a tuah in hman colh khawh a si ve lai tiah an zumh. Pfizer’s company nih an serchuahmi cu 90% khamh khawhnak hmul a ngei an ti”