President Trump Nih Hmurhmuh (Mask) A Caw-Ngia (Fakthanh) Mi A Tha Kho Tuk Cang

America ram chung ah COVID-19 pulrai zawtnak a karh cho chin lengmang mi chung in runven khawh nak hnga ding caah tiin America mipi dihlak sinah thawngthanh nak le fak piin nawlzulh than ding ah President Trump nih a chim than rih mi cu “Mask hi kan herh taktak mi a si caah mi zeipaoh nih kan i bunh peng ding a si” tiah a chim hi a si.

Cun President Trump nih a chim rih mi cu “Kei cu Mask ka bunh ah hin cun ka hnangam tuk cang i zawtna rungrul nih a ka tlak bal lai lo ti hi ka fiang tuk” tiah Fox News Sunday nih White House ah biahal nak an tuahnak hmun ah a chim hi a si. Kan hnuzarh chung hrawng ah khan President Trump hi mipi hmai a chuah nak ah a voikhat nak bik Mask a bunh zong kha rak hmuh a si i cu hnu ah White House i Fox News he ton biaruah nak an ngeih lio ah khan cun a pawngkam minung zong Mask he a rak um ter dih ve cang hna.

US ramchung ah COVID-19 a karcho ning a rantuk ang ruang ah State kip i vuanci hna le uktu a si mi paoh cu an duh zong duhlo zong ah Mask bunh vial ding in President Trump nih cun thawng a thanh hna.

US ramchung ah COVID-19 in a thi cang mi hna hi 70,000 lengkai an si cang hna. Mizaw an ngeih mi hi 140,000 lengkai an si ve i zawtnak a ngeimi dihlak an hmuh mi hna hi 3.7 million an si cang tiah an langhter. COVID-19 ruangah a thi mi hna hi vawlei cung ram ah US hi a tambik an thih nak ram a si.

VOA

 123 total views,  1 views today

This function has been disabled for Chin 11 News.