President Trump Nih COVID-19 Hrik A Ngeih Le Ngeihlo Kong Ah Test A Tuah Nak Kong Fiang Tein A Chim

Hi kong hi vawlei cung mipi nih buaipi ngai mi le theih duh ngai mi zong a si caah President Trump nih fian tein a hun chim cang. Minung tampi nih President Trump hi COVID-19 hrik nih a tlunh cang ko lai tiah lunghrinh ngai mi a si ko nain nihin tiang ah cun amah ningkel te a sip eng nak kong zong fian tein a chim cang hi a si.

Hi kong hi tuzan ah khan press conference an ngeihnak ah President Trump nih coronavirus test ai tuahnak kong cu mipi sin le media tampi hna hmai ah fiang hlang tein a thanh hna. President Trump nih a chim ning ah cun “ninga ni zaan (Friday night) ah khan COVID-19 hrik ka ngeih le ngeihlo cu test nak ka tuah ko nain result tu cu a chuak rih lo. Coronavrus ngeih le ngeihlo hi ni 1-2 hnu lawng ah ai fiang ding a si, tiah a chim. Cun President Trump nih cun Trump lawng zong silo in a rian ttuantu hna zong hneksaknak tuah an si kong a chim chih.

Tuchun White House press briefing room in an chuah hnu ah a chimmi cu, ka khuasik (temperature) an tah hnu ah zei dah a lawh tiah ka hal hna i “normal” a si tiah an chimh kong a chim. A tu tiang rih ah cun US zong nih hi zawtnak hi zeitin dah kan dohning a si lai, timi biahalnak cu an leh khawhmi zei hmanh a um ve hlei rih lo.

Ref: FOX2 Detroit

 392 total views,  1 views today

This function has been disabled for Chin 11 News.