President Trump Nih ANIFA Cu Terrorist Bu Ah Chiah: By Salai Laramthang

Minneapolis khua i, minak pa, George Floyd thih ruangah America khua tampi ah minak pawl nih buainak fak ngai an chuak pi. Mah buainak cu ANIFA timi bu nih caantha la riangmang in buainak le hnahnawhnak an zualter chin ti a si.

A hram thawk ahcun dai tein sandah an piah nain a hnu ahcun datsi dawr an khangh, dawr an bauh, thil an fir, lam an kham, palek motor an khangh caah domestic terrorist tiah auh an si. Mah vialte buainak a hnulei in a opartion a tuahtu hi Democrats pawl a bawmtu,far-left extremists ANIFA bu cu an si.

ANIFA timi bu cu “anti-fascist” tinak a si i, fascism timi le extreme right-wing ideologies a rak hua ngaimi bu an rak si. Asinain a tu ahcun Republican party dotu le democrats a bawmtu ah an i chuah.

US ah lenglei zoh in miphun thleidannak a um lo kan ti ko nain a chunglei in thleidannak hi a thiang thlu kho lo. Minak le Mirang hi a chunglei in an buai pah lengmang. Minak pawl nih Mirang pawl nih an kan neek an ti bantuk in minak cheukhat zong hi miphun thleidannak thinlung a ngeimi an rak tam ngai ve.

Minak pawl hi riantuan zuam lo, thathu le sifak santlai lo an tam tik ah thil sual tuahmi an tam deuh. Cu tik ah Mirang palek pawl he hin i ti sualnak a chuak lengmang. Atu lawng a si lo. Hlan lio zongah minak le mirang palek buainak hi a rak um lengmang cangmi a si.

 312 total views,  1 views today

This function has been disabled for Chin 11 News.