President Trump Le First Lady An Damlo Hnuah Xi Jinping Nih Hi Ti Hin Cakhuat A Tial

Tulio pulrai zawtnak asi mi Coronavirus ruang ah US President le a nupi zong damlo in an um hnu ah vawlei cung mi vialte ti awk tluk in an damnak hnga ding ah thlacam piak cio an si. Cheukhat nih cakuat in an langhter i cheukhat nih an ramchung News Agency hmang in an lungthat lonak an rak langhter cio hna.

N. Korea Supreme Leader asi mi Kim Jung-Un zong nih President Trump le First Lady caah thla a cam piak nak hna kong cu President Trump sinah cakuat a tial tiah thawngzamh nih an rak langhter cang. A tu zong ah China President a si mi Xi Jinping nih President Trump le First Lady caah thlacam nak ka ngeih piak hna tiah thawngzamh nih ah a langhter ve cang.

China ramchung Wuhan City in aa thok mi Coronavirus zawtnak cu US telh chih in vawlei cung ramkip ah a cul dih cang. Cu pulrai zawtnak nih cun US ram zong a voikhat cu faktuk in a rak phak ve ko nain President Trump le First Lady cu ngandam in an rak um. Asinain a voihnih nak pulrai zawtnak ah hin cun an luat khawh ve ti lo caah President Trump le First Lady cu siizung ah an um ko cang.

China ram in a chuak mi pulrai zawtnak nih a phak ve mi hna President Trump le First Lady caah Xi Jinping nih thla a cam piak ve hna nak kong cu White House ah China News Agency hmang in Cakuat a tial hi a si. “President Trump le First Lady nih damnak an hmuh tuan khawh nak hnga ding ah thlacam nak in ka rak bawmh ve hna, a rauh hlan ah damnak tling hmu ko hna seh ti hi saduh ka thah piak mi hna a si” tiah Xi Jinping nih cun White House ah Messages a kuat hna hi a si.

Source: Akon Thi