President Trump Kongah Ka Chunmang A Tling Lai!

Trump bia in vun awtta ning law, Joe Biden nih President ka tling cang ti le Media nih a tling cang tiah an timi cu a si rihlo a ti. Tutan thimnak cu USA dihlak vote kha a thimi ai tel maw? vote pek a ngahlomi vote ai tel maw? cun a thianghlimmi thimnak a si maw ti hi , thaizing in ka zohthan dih ta lai. State dihlak zohthan dih cikcek hnu longah President a si dingmi nih thutnakah kan thu te lai a ti. A dikmi thimnak vote a fian hlan chung cu kathutnak ka kianh lailo a ti cang. Cun hi zohfelnak hi zei caan arouh lai ai fianglo, dingthlu lairel dih hnu longah USA president ding cu a fiang te lai a ti cang.

Kumpi kumli chung huatnak chungah kan kal, huatu caah cun lungrit phorh he ai lo ko lai, Tutan zong kan luat cang lai tiah, an i ruah lioah a rit deuhmi tunih a nanh hna. Israel cu a pawngkam ram tampi nih an huat I an tuk, hrawh cikcek an duh, amah long bakin a dir ngam mi ram a si. Pathian nih a dirpi caah a hohmanh nih an tei kholo, cucu a nungmi Pathian umpinak cu a si.

Trump hi huatu tampi le thlakduh tu tampi an um.Democratic party long an silo, amah party Republican mirum deuh le minthang deuhpawl nih an doh ve. Sualnak an kawl a phunphun In, a hnuhmai a kehle vorhah anthong an den nain, amah long a dir zungzal ngamni Trump Pathian nih a dirpi bak. Pathian mithim hna nih a hnulei in thlacamnak in an bawm. Democratic party cu vulei cung tuanbia chiabik an tial canglai pinah USA mipi nih an zum ti hna lailo. Cucu Pathian nih an caan a zacang an sualtuk cang a tihna caah a si.

Democratic a dirpi I a vote mi dihlak kan tleihmi zumhnak fiangput in a lanhter caah a deu zumhnak a si kha kan mit kaupi kan au te lai. A i lawmhnak hmanh a dih hlanah sualnak case he zungah chuahpi dawh an si hna. Tutan USA ithimnakah sualnak an tuahmi hi mipi cavo an fir long siti loin an vote an hlawnhpiak hna caah an hnu an dawilio hna si. A bikin biachahtu bik state cu Pennsylvania nih USA phunghrampi a buar hmasa an ti caah biaceih zung sangbik sinah a kal cang lai.

President cu Trump a si ko rih. Joe Biden cu a si rihlo, a tling tizong cohlan a si rih fawnlo. Trump le Hilary ithim lio bantuk a si ti lo, an case hi a sangtuk caah a dai lailo. Cun state dang zongah an sual tuahmi pawl an zohfel lio a si. An sualtuk caah an bia ceih a din lailo, USA President Trump a si than ko lai caah ka chunmang ka cawtum thau cu ka hmante ko lai.

An sualnak vialte an khawmhsuat lio, a tamtuk an ti cang. Cun kawlram ithimnakah kei cu NLD a sithingmi ka si ko caah kailawm taktak. Ka rak chimcia bantuk in CNLD cu i zuamdeuh ko rih hna seh. An pu le an ithlen tikah an mah nih an kan hruai hruaive te ko lai.

Tutan ithimnakah cun a nuampah ko, kumnga, kumli ithimnak a si caah a sunglawi khun in ka theih. Trump huatnak kumli chung ah na umve ah cun hlannak in na thil arihdeuh ve cang men lai. Credit: Joseph Thawng Z Ting