President Trump Dirhmun Hi A Harsa Taktak Lio A Si!

President Trump cu zing a van tho bak in Twitter ah Georgia Governor Kemp cu “Mi Aa, Mihrut Bantuk” ti bak in a lungtling lonak a van langhter colh. Electoral college hna nih vote an thlak lio cuahmah lio a si. Result a chuak colh ko lai. Cun January 5 ah Georgia ahhin Sentors seat 2 ah um mi ah Republicans le Democrats hna nih biatak tein an i cuh lai caah tulio US boruak cu linsa ngaingai.

Atu Electoral College Vote an thlak liomi dirhum ka tialcia mi a fiang lomi caah kan van langhter than lai:- A tanglei hi a relrih lomi nih rak rel cio than dingin kan sawm hna! Mah na rel ahcun US thimnak kong cu na fiang cang ko lai dah! Tutan thil a cangmi nih thil tampi a chuah ter cang lai!

TV News le fake news pawl lei nih cun Trump caah ruahchannak a um ti lo tiah an tial lai. Kan pu Trump cu a sung taktak maw tiah nan ruah men lai! Lung donghnak lawngte theih ding a tam! A ruang cu thildik lo a chawk lio pi a si caah si. Mi cheu khat nih cun Biden hi president taktak a si cang lai tiah an chim lai nain thil um tuning taktak cu hihi a si.

Thaizing 14/12/202 Monday hi phung bantuk in state kip in elector hruaitu pawl Washington DC ah kal hna in President ding an thim caan a si. A sinain state 6 thimnak a buaimi ruangah president thimtu hna Elector pawl hi an kal kho viar lai maw?

Democrat lei nihcun Biden hi president an thim tling dih cang tiah an party pawl nih chim an timh cang lai. A sinain buainak a ummi State paruk 6 lak ah hin Navada ti dah lo cu a dang vialte cu State Legislature (Lower Le Upper House) hna hi, Republican party nawlngeihnak hmun an si.

Tutan thimnak ah vote ningcang lo tuk in thil a kal caah Trump lei kap zong nih ka kinkip loin Court ah tazacuai lio pi a si. Hi State nawlngeitu ‘Law Making Bodies’ hna hi Constitution nih nawlngeihnak a pek bantuk in an state aiawh in elector thimtu an si i, Biden cu an thim bel lai lo.

Cu ruangah hi state panga 5 hna vote hi 73 an hmuh lo ahcun Biden le Trump hna hi vote 270 an tling kho veve lai lo. Zeitindah an tuah te hnga thaizing bak a si fawn cang! Ruah ding hi a tam ko. Lam pahnih a um i, A tanglei ah fiang tein ka van tialthan.

US Thimnak kongah lam pahnih a um kho mi: President pakhat an thim khawh hlan lo cu, a caan thawn hi a si. A sinain hi caan an thawnmi hi caan saupi a ngah lai lo, caan tawite chung lawng thawn a ngahmi a si. (Supreme court nih President le vice president hi a thim piak hna lai lo. )

A dang pakhat cu tuah lo ngah lo bak a si cang lai i, US Constitution, 12th Amendment phung ning tein President cu Congress (Parliament) in an thim cang lai.

Cun 12th Amendment phung ningin Congress i Upper House “Senate” nih Vice President ding an thim lai. Senator 100 an um i, Tu ahhin Republican lei in senate majority tamdeuh an ngeih ruangah an thim ding cu Kamal Harris si loin, Mike Pence hi an thim ko lai tiah ruah a si.

President cu House of Representatives nih an thim ve lai. Congress member dihlak si loin, State kip in member pakhat thim ding a si. Republican leiin State 26 ah majority an si i, Democrat leiin state 22 majority an si ve. Cu caah state aiawh tam deuh cu Republican an si caah, Biden thim loin Donald Trmup an thim ko lai ti a fiang.