President Trump Cu Tluk Awk A Tha Lo Zeicatiah A Chim Mi A Tuah!

President Trump hi midang president he tahchuh awk a tha lomi a si tiah ka ruah! Zei ca tiah a ni cu a chim ning tein a tuah lengmang. President dang nih cun thimnak an luh tikah Israel kong hi an chim lengmang, Nain President an tling tikah an chim ning bantuk in a hohmanh nih an tuah ngam taktak bel lo.

Trump Uar a umtuk nak cu, 2016 President cuh aa timh ah khan, Midang nih an nisawh a nih cun Remkhel minung a si lo. A nih thamcu Sipuazi tama a si tiah soisel a huah. Nain a donghnak ah teitu dirhmun a phan. President a tlin bak in Khrihfa biaknak a humhim, Israel kongah a chim ning bantuk bak in tuanvo a lak. Khrihfa nih cun uar lo awk a tha lo. Chim ding a tam tuk a tawinak tein ka vanlanghter sawhsawh bia mu!

THIL LIANNGAN TUKMI NAN HMUH ZAU LAI! :- Hi bia kaa timhtuah ah hin zing sml. 03:30am a si cang i, The Epoch Time nih a hun chimning ah cun President Donald Trump nih cun mipi hmaiah “ATU THAWKIN A RAUH HLANAH THIL LIANNGAN TAKTAK AA THLENGMI NAN HMUH LAI” tiah a ti i, Whitehouse hngâk ṭhan dingin aa zum tuk cang ti hi a fiang taktak khi si.

A cung ka van langhtermi zong hi, ruah lo awk a tha lo. A tu thawk in a rohhlan ah thil lianngan nan hmuh tiah ti bak a chim mi cu, caan rau lo ah a chim ning a bantuk bak in kan hmuh than ko lai tiah ka ruah!

Trump cu a sualnak an chim lengmang nain, President a tuan chung kum 3 leng a sualnak an kawl nain a sualnak an hmu lo! A chim ning in a tuah lengmang caah mi lih chim le mi depde nih an celh lo caah a sualnak hi an kawl sawhsawh i a si ko tiah ka ruah.

Tutan Election zong diknak tein sung ning law, Florida ah ka kal cang lai tiah a chim! Uar a um tuk! Democrat pawl nih lih le hrawkhrawl in an tuahmi pawl Trump nih a doh lo ahcun hmailei ah US hi a rawk tuk lai ti a ruah caah Lih le hrawkhrawl hi a dohnak a si. A tu zong a dih tiang a doh lai tiah ka zumh! Tuzan cu mah vial in sirih seh! Trump kong hi ka manh caan ah ka van tial pah lengmang cang lai.