President Trump Cu James Mattis Nih Fak Ngai In A Soisel

President Trump a soisel tu hna hi US uknak le policy a thei hngal deuh mi lawng te an si hna. An uknak pung kal ning le policy kong ah theih hngalh nak kau a ngei mi paoh nih cun President Trump hi an soisel ngaingai. Ex-president Obama le ex-president George W. Bush zong nih nai ah fak ngai in an rak soisel cang.

Cun a tu ah Marine General Secretary hlun a si mi James Mattis zong nih fak ngai in a soisel rih. Ex-General James Mattis hi President Trump nih 2018 ah khan a riantuan ning hi ka ruahning a si lo tiah a rak ti caah a rian a rak phuah mi a si. Ex-General James Mattis nih a chim mi cu “US mipi hna nih lungkhat thinkhat tein um khawh nak ding caah President tampi hna nih cun an rak i zuam hna ti hi US mipi nih kan theih cio mi a si.

Asinain President Trump hi cu lungkhat te le hmunkhat teah a um ko mi American mipi thisin a thencheu tu a si. Mi pakhat nih Ameriacan zulhphung a buai mi an um tikah fak ngai in action a lak ngam ko ah cun hi tluk in mibu nih Aremican khuapi hmuntam pi chung ah hnahnawh nak le buainak an chuahpi mi ah hin action a lak khawh lo.

Hi tluk minung tam nih duhlo nak le lungtlin lonak an langhter ah hin cun phunghram le uknak kong a thei lo mi nih cun an hman ko tiah an ruah dih hna lai i cucu US rampi rawh nak a phak ter kho mi a si. American mipi hrocer nak le tlerh khawnh nak ah American ralkap lila hman a si lai ti hi cu ka zaanmang zong in ka rak ruah bal lo mi a si.

Asinain President Trump nih cun American miphun le thisa a si mi hna cung ah American ralkap lila a hman i Washington DC ah a thlah hna. Hihi ningzah awktlak ngai mi hruaitu khuakhan nak a si” tiah Ex-General James Mattis nih cun a chim.

Source: BBC

 185 total views,  1 views today

This function has been disabled for Chin 11 News.