President President Juan Orlando Hernandez Cu Covid-19 Nih Fakngai In A Phak

Honduran ram an President a si mi President Juan Orlando Hernandez cu Covid-19 positive a si caah siibawi te zohkhanh nak tang ah aum lio a si I an ram kong ah khuakhan lairel a herh mi vialte poh cu phone in a chawnh hna I a kuttang mi nih tuanvo an rak lak tawn tiah June 16, 2020 ah khan an ramchung thawngzamh nih a langhter

President Juan Orlando Hernandez hi chikhat te kha cu an ram mi lungre thei ngai in an um manh hna I a zualhma ngai tiah an theih ko nain June 16, 2020 khan cun ka tha deuh ngai, ka dam zau ko lai tiah ramchung TV in amah pumpak nih a chim than mi ruang ah an ram mi zong hnangam deuh ngai in an um cang hna.

President Juan Orlando Hernandez cu Covid-19 in thih hi a rak duh bak ve lo caah a zohkhanh tu hna siibawi te nih an chimh ning tein pakhat hmanh a palh sual nak hnga lo ding ah ralrin tein a um ko tiah zong a umnak siizung pawl nih cun an chim. President Juan Orlando Hernandez cu Covid-19 positive a si cang ruang ah a chungkhar vialte hna zong special check up an tuah dih hna nain an result tu cu a chuak deuh rih lo tiah an langhter.

Honduran ram chung ah nihin nawlngeitu lei nih thawngthanh nak an tuah ning ah cun minung 9656 nih zawtnak rungrul an ngei cang hna I cu chung ah a thi mi hi 330 an si ve cang hna tiah Reuters thawngzamh nih cun a langhter.

 179 total views,  1 views today

This function has been disabled for Chin 11 News.