President Joe Biden Cu Trump Riantuanciami Let Timh Ruangah Fak Taktak In A Van Phomh!

US thawngpang nih vawlei a hninh dih ko cang hih, thawngpang dang tial le rel khawh bak si ti lo. Atu bantuk in US ram chungah politic ruangah i dohnak hi a um lai lo tiah mi tampi nih an chim cang. Joe Biden cu President rian a tuan hnu Ni 6 hnuah Executive order 25 leng ah min thutnak a tuah cang.

Joe Biden nih China he pehtlaih in thil a tuah mi cu soisel le thangchiat a si ngai. US mipi lungthin a dam kho ti hrim lo. International politics Republicans nu lakah mipi nih an uar ngai mi le a lar ngai mi Nikki Haley nih President Trump zong kha tha tein thil tuah ding in a rak chim cangmi a si.

Joe Biden US President cu US kong he pehtlaih in ceilak in a van phomh. UN Human Rights le Trump Foreign policy ning tein US ram caah rian an tuan ding a si tiin Joe Biden cu a chimh! Biden nih Human rights Council he pehtlaihnak a ngei a cun, Human rights zei a rel lo mi pawl he rian a tuan ti than lai tinak a si.

America (Trump administration) nih Human rights caah heh tiah rian kan rak tuan mi kha pakpalawng lawng in a cang ter sual lai tiin 2019, the U.N. General ah khan Human rights Council ah Libya, Sudan & Venezuela ram hna cu thim an si ve. Vawlei cung ramkip ah Human right a um lo bik nak tiah ruah mi hna an si!

Biden nih Human rights Council le WHO he pehtlaihnak ngei than a tim. “We will rejoin the U.N. Human Rights Council and work to ensure that body truly lives up to its values,” Nikki Halley nih a chim mi cu, Biden nih Trump Foreign policy kha a zul lo a cun, partisan pressure nih heh tiah an forh lai, thil pawituk mi kan tawn lai. A luancia Kum 4 ah Foreign policy thawngtuk hmang in rian kan rak tuan cang mi vialte kha ramdang nih zei rel lo in an um sual lai. Source- Theepochtimes/ Thechindaily Post

President A Tuan Ti Lomi Tazacuai Cu Sullam Nge Ti Maw? :- Nancy Pelosi hruaimi, House Democrats pawl nih President Donald Trump Impeachment an tuahmi cu nizan ah Senate ah tazacuai ding in House Managers pawl nih an chuahpi mi cu Republican Senator pawl nih President Trump cu President in a dinh cang caah US phunghram ah mah bantuk tazacuai khawhnak lam a um lo tiah Senator Tex Cruz le Marco Rubio hruainak in an dohkalh caah debate an tuah hnu ah tazacuainak pehzulh ding le pehzulh lo ding thimfung an thlak i, Republican senator minung 5 nih Judah Iskhariat rian an tuan caah vote 55-45 in an sung. Cucaah President Trump tazacuainak cu pehzulh dingah bia an khiah.

President Donald Trump a leirawltu Republican Senator minung 5 han cu, Lisa Murkowski of Alaska, Susan Collins of Maine, Mitt Romney of Utah, Ben Sasse of Nebraska and Patrick Toomey of Pennsylvania hna an si. Senator Rand Paul nih Democrats pawl nih an thil tuahmi cu sullam ngei lomi a si. Impeachment an tuhmi zong aum ti lomi a si. mit hleh tuah, hruh le molh rumro a si, Impeachment timi cu President a tuan lio mi hna lawng tuahmi a si” tiah a chim.

Senator Marco Rubio nih Fox News ah a chimmi cu “hruh bia le caan dih sawsawh a si, American mipi caah thathnemnak pakhat hmanh a um lomi a si, taza an cuaimi zong a um ti lomi a si” tiah a chim. Senator Lindsey Graham nih cun “ house I impeachment an tuah lio ah zeihmanh tet-te an chuahpi mi le tet-te tha tein an auhmi hna zong pakhat hmanh a um lo, hnawh thlorh in an I hnawh. Mah bantuk democrats pawl thil tuah cu US democracy le President a tuanmi hna caah tihnung a si. Suimilam 50 chungah tet-te pakhat hmanh um lo, lawyer sihni zong President nih ihlan manh lo in impeachment tuah cu democracy ram ah a phung a si lo” tiah a chim ve.

 

Tuzarh chung ah hin, Senate nih President Trump tazacuainak summon ca an chuah lai I an pek hmasa lai. President Donald Trump cu zarh khat chung timhtuahnak an pek lai I, February 2 ah President nih tazacuainak summon an tuahmi cu a leh hna lai, mah nih thiamthiam ah tazacuaitu House managers hna nih pretrial brief an tuah ve lai. February 9 ah President Trump nih pretrial brief a pek ve lai. Mah cun tazacuainak cu thawk colh a si lai.

 

President Trump tazacuainak biachahnak a tuah dingmi cu Senator minung 100 an si. Senate ah Democrats le Republican minung 50-50 veve an um. Minung 67 nih a sual tiah vote thlak a hau. Republican minung 17 nih President leirawl in an kal taak a hau hnga. A si kho lai maw? a si kho lai lo. A tam bik ah minung 5 lawng nih an kal taak lai. Cucaah democrats pawl nih tazacuainak an tuahmi hi sullam a ngei lomi a si. An tuah khawh lo dingmi an tuah sawsawh le a si. Catialtu: Salai Lairamthang