President Biden Nih Minung 1000 Rian A Ngol Ter Colh Hna!

Tuzing hi video ka vun zoh cu ka ngeichiatpi tuk ve hna, apoi zong poi ka ti tuk ve. Minung 1,000 bak an rian in lay off colh an si! Hi Keystone XL hi Canada in Nebraska tiang a hung lut dingmi pipeline asi i President Biden nih a thutdan a thut bakin cop le cilh bakin hi rian hi ngolh dingin min a thut mi kha asi.

Hi Keystone XL hi Canadian TC Energy nih ziinan fawi tein US he i kuat a fawinak caah tiin kum 2008 lio ahkhan timhlamhnak an rak ngei. US mipi nih duhlonak faktuk in an rak langhter, aruang cu hi gas pipeline nih hin khua ram le minung caah thil tha lo tampi a chuahpi khawh ding khi asi caah a bikin Native American pawl nih biaktak tein an doh khun.

Fundraising tiang in hi a dohnak ah hin biatak tein an rak kawl bal. Kum 2015 ah khan President Obama nih rak tuah lo dingin min a thut cash an tuah lo. Asinain khua tuaknak a ngei tuk lem lomi president thar Trump nih tuah ko u a ti caah an vun tuah than, nihin tiang mipi nih an duh hrimhrim lo hi pipeline hi, cucaah Biden nih cop le colh bak in a mak ter hna nak hi asi.

Ahodah palh? Trump nih hin a herh lomi thil tampi a tuah len, Mexico & US border wall kha zeihmanh a herhnak a um lo phaisa billion lawng a dih. Kha tluk security tha bikin congh mi Capitol hmanh an luh hnawh mei ko, border wall chinchin khi cu zeihmanh a herhnak a um lo tiah ruah asi. Hi pipeline zong hi US mipi nih an duh lo tukmi asi. Catialtu: Chelsea Bawi