President Biden Cu A Mah Bia Lila Nih A Buaiter Tuk Cang!

A tu cu US ram southern border ah um mi hna cu lungreithei in an um cang. President Joe Biden nih executive order 40 leng min a thut caah a si. Trump immigration policy cu a thah piak. 2020 November 3 ah campaign promise tlamtlingternak ding caah Illegal Migrant hna cu Aliens tiah au an si cang tiah a rak chim cu a chim bantuk in a tuah tak tak ve.

Amah thil tuah mi lilah nih a tu cu buainak fakpi a pek cang. Joe Biden nih amah bia chim mi lilah hmangin buainak fakpi a chuah pi cang. January ni 20 thawk in Central America ram in Southern Border ah lut a tim mi tampi (Thong Leng) an si cang. “Joe Biden let Us in”” Joe Biden remember your campaign promise” tiah T-shirt zong Illegal Migrant pawl nih an duh duh in an nih hrut ngam cang.

Homeland Security ah hotu bik a si mi nih a chim mi cu thawngchia tak tak si. Kum 20 chung in illegal migrants influx tambik caan kan phan tiin a chim. Joe Biden nih Executive order a sign lio ah, Trump border wall sak ding mi Fund a um cia mi kha a dawng ter kho lo ti kha a thei lo maw tiin mi tampi nih heh tiah an soisel. 40 GOP senators group nih Government Accountability Office sin ah ca an kuat i, Trump border wall fund a um cia mi vialte cu, President Biden nih a dawngter mi cu phunglam a buar tiin an tial.

US ram chungah pem ding in a ra mi an tam tuk cang i, Joe Biden, Democrats pawl puppet ruangah atu hi Southern border ah illegal migrants nghakchia buaipi cawk lo an um cang, hngakchia chianak ding caah an sak mi 250 umnak ah 700 leng chia an si.

Hngakchia cu chim lo, puitling an tam tuk i, Atu hi southern border ah mipem an tak tuk caah Joe Biden a buai ve cang i, Central America in mipem tampi cu US ram chungah lut ding in border ah an um dih cang. Biden nih ABC interview a tuahnak ah a chim mi cu, Fiangtein ka chim duh mi cu, Ra hlah u, Nan umnak ram, khua kaltak hla u, (‘I can say quite clearly: Don’t come over. Don’t leave your town or city or community) tiin illegal migrants hna cu bia a cah ve hna. Credit-RTK/The Chin News