President An Tuahto Ning Cu A Fak Bak, Zohchia Taktak A Si Mi Roca An Pek Cang

๐†๐ž๐ซ๐ฆ๐š๐ง ๐Œ๐š๐ ๐š๐ณ๐ข๐ง๐ž ๐ƒ๐ž๐ซ ๐’๐ฉ๐ข๐ž๐ ๐ž๐ฅ ๐ง๐ข๐ก ๐“๐ซ๐ฎ๐ฆ ๐œ๐ฎ โ€œ๐‹๐จ๐ฌ๐ž๐ซ ๐จ๐Ÿ ๐ญ๐ก๐ž ๐˜๐ž๐š๐ซโ€ ๐š๐ง ๐๐ž๐ค

President-elect Biden le a Vice President-elect Harris cu The Time nih โ€œPerson of the Yearโ€ a pek hna ni bakah Minthang German news magazine Der Spiegel zong nih Thursday ah khan Trump cu โ€˜Loser of the Yearโ€™ a pek ve, tiah theih a si.

An tlangtlar mi hi German holh in โ€˜Der Verlierer des Jahresโ€™ ti a si i, a sullam cu โ€œThe Lose of the Yearโ€ tinak a si. โ€œTrump hi zeitik hmanah ah zapi ca i thiltha a tanh lo tu, pakhat te lawng a tanh zungzal tu a si โ€“ cucu amah zawnlawng hi a siโ€ tiin magazine an chuahnak Washington ah bureau chief Roland Nelles le Berline-based correspondent Ralf Neukirch nih an chim.

โ€œTrump kuttang ah cun zeihmanh hi punghman, ti a um kho lo. Sunghmi ai a cohlang (admit) duh lo. Tehte pakhat hmanh a um lo bu ko zong ah cun, โ€˜Electoral ah dehhlennak a tomtom in a umโ€™ a ti tualmal lehlam rih. Hi a sining vialte hi khuaruahhar awk a um lem lo. A president sinak cu ai thok ning bantuktein khan zoh ai remnak le teihkhaa (dignity) pakhat hmanh um lo tein a dong ve ko lai,โ€ tiin capar an tial.

News outlet ngan tamdeuh nih cun Biden hi president ah thimmi a si cang, tiin Nov. 7 tein khan an thanh cang ko nain, nihin tiangah Trump nih a lung a thum duh lo i, โ€˜Democratic pawl nih kan sinin election fir an duh caah vote peknak kongah dehhlennak a tomtom in an tuahโ€™ tiin hrihhram um lo piin tu le tu a chim tualmal peng ko rih.

Election ni thokin khan, election results cohlan duh lo ruangah le vote thlak ning kongkau ah thil ai ningcanglo mi a um, tiin Trump a legal team nih state tampi ah tazacuainak an kalpi. Tehte pakhat hmanh nan hmuh khawh tung lo, tiin biaceihzung pawl nih an tazacuaimi a tamdeuh u cu an hnonpiak cang hna.

The Time nih an tuah tawnmi kum khat chung mi liannganbik thimnak ah Biden le Harris cu Thursday zanlei ah khan an thim hna. An thim hna nak a ruangbik cu, rian an tlaih le cangka US pumpi cuul in a karhtuk cangmi Covid-19 hi ai hmaithlaak colh ding an si. Cun, Harris hi tuanbia chungah African American chungin le South Asian American chungin a hmasabik Vice President a tuan dingmi nu a si caah, a tu bantuk in minthatnak pek hi an sinak a si. Cu ti i The Time nih a pek hna le cangka a tu bantuk in German magazine lei zong nih a capar an tial hi a si.

Germans pawl nih hin Trump hi an uar lo ngai ti a lang. January i the Pew Research Center nih poll a tuah ningah, German minung 4 lakah 3 (asiloah cu nak tamdeuh hmanh an si lai) nih cun American president cungah zumhraihnak an ngei ti lo, ti a si. Cu bantuk thiamthiam cun Sweden, France, Spain, le Netherlands zong an si ve, ti a si.

2016 lio i the Time sinin โ€œPerson of the Yearโ€ a co hlan ah khan Trump nih co duhnak a rak langhter bal cang. Cu kum cu German Chancellor Angela Merkel โ€˜Germany chiatchuahtuโ€™ timi min an pek hlan kum a si.

โ€œAn uar taktakmi ka si ko nain, the Time Magazine nih an โ€œPerson of the Yearโ€™ caah an ka thim lai lo. Cucu kan chimh ngam bak hnaโ€ tiin 2015 lio ah khan Trump nih a tial bal.

Credit: Chelsea Bawi