Pres. Trump Hi Faktuk In A Mualpho Ko Cang Hih, American Bible Society Hmanh Nih Ningzak Ngai In Lehnak An Tuah

American Bible Society Pi Nih Nai Donald Trump Nih Ningcang Loin Bible Ai Putmi Kongah Ningzak Taktak In Lehnak An Tuah

“Bible Cathiang hi Hmelchunhnak Menmen Lawng a si Lo” tiin Trump nih Bible he Hman ai Thlakpi mi cungah American Bible Society nih Lehnak an Tuah American Bible Society Responds to Trump Photo Op: Scripture Is ‘More than a Symbol’ Bible Cathiang chung biatak American mipi nih kan i tlaih caan a si, i chirhkanhnak ah hman riangmang in Bible vai thlir len caan a si lo, tiah American Bible Society nih an chim.

American Bible Society hi kum 200 a upa (hlun) cangmi Khrihfa riantuannak nganpi a si i, Bible chuahnak le Bible kong a si mi paoh a tawlrelbiktu riantuannak a si. Floyd an thah ruang i ram pumpi cuul in duhlonak an langhtermi kong he pehtlaiin Trump nih a dirhmun langhter a duh ve caah, Washington DC chungum biakinn pakhat hmai ah dir riangmang in Bible ca a vung thui len pah in hman ai thlak mi cungah a tu bantukin bialehnak an tuah hi a si. “Bible Cathiang hi hi hmelchunhnak menmen lawng a si tung lo” tiin an langhter.

“A tu kan pal cuahmahmi caan hi pulrai ruang i tihphannak, khat le khat ai hlat in kan um caan, cun miphun thleidannak kong i duhlonak langhter le buaibainak tiangin a tlun lio caan, kan economy zei a lawh lai hngal lo in kan um caan le chan chan khat chungah kan ngan a fahbik caan a si caah hin, kan Bible Cathiang hi politics muisam kan kenter sual nakhnga lo kan i ralrin taktak hau. Cu ti lo cu, naws tialtu pawl pei thawngpang dang na hei thanh hna bantuk a si ko lai cu,” tiin American Bible Society ah senior vice president a si mi Whitney T. Kuniholm nih a chim.

Cuhlan nakin a hmanmi thil theih kan herh deuh caan a si cang caah, dinnak hi tiva bangin luanter kho hram u sih law, dinfelnak zong hi a tihna a cat bal lo mi cerhti bangin luanter hna u sih! (Amos 5:24). “A thukbikmi thihnak horkuang chungah kal hmanh ning lawng, nangmah nih na ka umpi caah zeihmanh ka tih lai lo” (Salm 23:4).

Monday i Trump nih hman a vai thlaknak St. John’s church i a hruaitu zong Trump cungah a thin a hung ngaingai. Trump rat a duh ruangah kanmah tiangin police nih lam an kan kham dih, tiah a chim. “Biakinn a rat ah hin biakinn chung zongah a lut lo, biatawi a chim lio zongah zei Bible cacaang zong ai thlir fawn lo. Biakinn hmai ah cun Bible cu a hun i thlir i a hun i cawngia” “Tutan i Trump nih Bible a cawngia mi hi khuaruah cu a har ngai ko lai nain, amah le amah a dirkamhtu hna cah cun ai keih bak te a si” tiin To Sattler College historian Aaron Griffith nih a chim.

Cu bangin Trump nih thil a tuahmi kongah amah a dirkamhtu evangelists a cheukhat nih cun Trump cu a thangthat ngaingai ko nain, a tu bantuk lio caan i hi ti bantukin Bible ai hman hi cu mi zei a kan rello le a kan nautatbia a si, tiin a chimmi an um ngai ve. Tornado relief ca i ai bumi Alabama church member pawl a va pal hna lio i an Bible ah a min a thutpiak hna i an i lunghmuih ngai, ti asi.

Bible Cathiang hi cuhlan miroling a si mi John Quincy Adams, Abraham Lincoln, Dorothy Day le Martin Luther King Jr., hei ti bantukin nih kan ram nih harnak a ton caan ah an rak i thlir bal ve ko. Zeiruangah dah ram pumpi ah harnak a tlun caah American nih Bible kan banh/hlam tawn? A ruang cu, Bible Cathiang hi hmelchunhnak menmen a si lo caah a si fam cu, tiin Whitney T. Kuniholm nih a chim.

ABS hi Global Network of Bible Champions he rian an tuanti i, Bible Bia lehnak, phawtnak le thanchoternak an tuah. An riantuannak hi evangelical lei nih an i hmaithlaak ngaimi a si i, Bible kong le Bible ca cawnnak kong ai hmaithlaakmi ans i.

Historian John Fea nih ecumenical (bianak vialte ai khat, timi ruahnak) dirhmun in evangelical dirhmun lei ah ai mer ve cang I 2016 ah khan The Bible Cause: A History of the American Bible Society, timi cauk a tialmi ah cu a dirhmun cu a langhter. Sex le nu le va i hmunkhatnak telhchih in, kan zumhnak le kan nuncan kongah Bible nih nawlngeihnak he lamhruainak a tuah khawh ko, tiin nikum a hramthok tein khan ABS nih a riantuantu pawl zumhnak biakamnak a tuahter dih hna.

Bible Cathiang kong theihfian khawhnak dingah mizei dah bomhnak na hal lai, timi kong tiangtiang cu kan i thlak lem lai lo. Asinain, Bible cuahman hi zeitluk a va fah pek ah, Bible a herhmi paoh cu pek khawh dih hi kan i hmaithlaakmi a si, tiah ABS president nih a chim.

A liamcia kum 5 in khan American Bible Society (ABS) nih a headquarters cu New York in Philadelphia lei ah a thial i, khuapi chung Independence Mall chungah “Faith and Liberty Discovery Center” (Zumhnak le Luatnak Hmuhchuahnak Hmunpi) timi min bunh in kum vui lei ah history museum sak an i tim.

American Bible Soceity le American tuanbia karlak ah a fekmi pehtlaihnak a um khawh mi kongah ABS nih ai lunghmuih ngaingai i, ABS hi American pale (patriots) hna a si mi John Jay (the first Supreme Court Justice, The Star-Spangled Banner timi a tialtu Francis Scott Key, Founding Fathers ah ai tel ve mi Elias Boudinot pawl le tiin dirhmi a si, tiin an chim.

#ChristianToday

Catialtu: Chelsea Bawi

 227 total views,  1 views today

This function has been disabled for Chin 11 News.