Premier League Tuanvo Ngeitu Lutlai Pawl Lakhruak Ngai In Meeting An Tuah

Premier League chung ah Arsenal coach hi COVID-19 zawtnak a ngei cang tiah fehter a si hnuin players chung zong in lunghrinh mi tete le zawtnak hrik nih a tlak ko cang lai tiah an ruah mi tete hna an um ruangah tuchun (3/13/2020) zinglei ah khan lakhruak (Emergency) meeting an ngei hna tiah theih a si.

Hi lakhruak (emergency) meeting ah hin Premier League lutlai a si mi hna nih club pakhat cio i an coach le lutlai vialte an sawm dih hna i kan theih cio bantuk in Premier League cu tulio zawtnak ruangah caan tlawmpal chung hi cu kan i din rih lai tiah biachah nak an tuah tiah theih a si.

Serie A chung in cun Juventus le Sampdoria FC hna pahnih chung in zawtnak a ngei cang tiah fehter mi zong an um ko nain bawlung puai cu thawn le dinhter chung ding in biachah nak fek ngaingai an thanh mi a um rih lo. Cu Chelsea FC Twitter ah an langhter ve ning ah cun Chelsea FC chung in player pakhat a si mi Callum Hudson-Odoi zong COVID-19 zawtnak hrik nih a phak ve tiah zong thawngthanh nak an tuah.

Cu ruang ah Premier League lutlai pawl hna nih cun zawtnak hi chim awk tha lo in a karh chin lengmang ko caah chikhat cu kan zohchun rih ko lai tiah an chim.

Ref: D Khit Medea: Chelseafc.com: espn.in

 224 total views,  1 views today

This function has been disabled for Chin 11 News.