Premier League Kong Hna Hi Nan Philh Sual Lai, COVID-19 Kong Cu Hnu Deuh Ah Seh

Tihin Premier League 2019/20 Cu An Peh Lai

English Premier League (EPL) 2019/20 cu corona ruang ah ngol chung a si i bawlung kum dih lo in a thar an thawk ding phan a um lio ah hruaitu hna nih kan dihter ko lai tiah an fehter cang tiah zumhtlakmi a simi The Times, Guardian le The Telegraph nih an ttial.

March 13. in an ngolmi EPL cu June 8. in thawk tthan i July 27. ah dih ding in hnatlak a si, an ti. Cun a ralaimi bawlung kum 2020/21 EPL cu August 22. in thawk tthan ding in an ceih.

A hmun i a zoh kho ding minung 400 lawng an si lai i mah hna cu media tel in an si. Cu hmanh cu Covid-19 a ngei lomi lawng an si lai ti a si. TV in zatceo nawn direct an thlah lai.

EPL hi a dih tiang an chuih lo a si ahcun Club pawl le EPL phaisa tamtuk sung in cheukhat an i hrim khawh ti lo ding a si caah sihni pawl nih fakpi in an nawr hnu ah atu bantuk in cozah nih an hnatlakpimi a si, i zarhtin EPL hruaitu le cozah tonnak an ngei lai ti a si.

Laknak: Teirial Catialtu

 184 total views,  1 views today

This function has been disabled for Chin 11 News.