PRA Le Ralhrang Kahnak Ah PRA 1 Hliam A Tuar, Ralhrang 6 An Thi Ve

Palee ah rallokp le PRA ralkap kar ah kah nak a chuak rallokap lei minung 6 an thi. Sagiang ramthen, Palee peng, Khin Aye – Nat Htat ah August 9 zaan suimilam 10:30 pm aj rallokap le PRA ralkap PRA hna kar ah kah nak a chuak i rallokap lei in minung 6 an thi. PRA lei in minung 1 a hliam (thinphan ding um lo) nak kong cu PRA nih thawng an thanh. Suimilam 4:00 chung an i kap i mipi ralkap lei cu tluang tein an kir kho,rallokap le PRA kar ah tuni tiang ah voi 6 nak tlawm lo kahnak a um cang tiah PRA sin in theih a si. Khit Thit Media

Relchap: Kalay Peng GAD Riantuan le Khuabawi Hna Tlaihkhih An Tong Sagaing ramthen, Kalay peng le Magwe ramthen Gangaw peng kar ah a ummi khua in GAD riantuan le khuabawi hna cu zei bu ti theih lo mi hna nih zaan ah an luhhnawh hna i,an tlaih hna ruangah cheukhat cu an zaam/an i thup tiah Kalay peng Myountsi khuami sin in theih a si.

August 8 khuadei ka suimilam 1 hrawng ah hika lei khuabawi hlun le GAD riantuan 4 hna cu minung 60 hrawng nih an tlaih hna. An tlaih mi hna hi Yeshin khuatekomh khuabawi hlun U Zaw Lin (kum 46), Peng GAD riantuan Tinta khuami U Zaw Min (kum 45), U Tet Naing le U Ka La hna an si tiah khuami nih an chim.

Hi bantuk tlaihkhihnak a um ruangah Tinta, Shiabo, Donwe, Cianta, Hmantaw, Setaw, Kyawyua khua GAD riantuan le palek chungkhar cu khua ah um ngamlo in ramtangah an i thup tiah theih a si.

A thup mi hna hi Kalay peng lawng si lo in Tatse, Minkin, Kani, Yinmapin, Pale, Khin-u, Dipeyin, Myoung peng chung khua hna zong an i tel ve tiah theih a si.

Hi kong he pehtlaih in Sagaing ramthen ramri le venhimnak vuanci lamnaih mi pakhat nih kan pawngkam ah harsatnak a kan pe hnga ding mi an um a si ahcun thawngpang kan theih le cangka in a naih bik GAD zung le palek sakhan hna ah thawng kan thanh a herh tiah a chim.TCP