PPE Uniform An Pek Hna Lo Caah Doctors Le Nurse Vialte An Taklawng In Siizung Ah An Um

Germany ram ah siizung pakhat I riantuan tu hna doctors le nurse pawl hna cu an ram acozah nih Covid-19 mizaw pawl bultawl nak ah aherh mi PPE (Personal protective equipment) Uniform an pek hna lo ruang ah mizaw an zohkhan hna ak ah taklawng in an um dih hna I sandah an piah tiah thawngzamh pakhat nih a langhter.

Germany ram hi Covid-19 nih fak ngai in a phak ve mi hna an si ko nain an ram cozah nih Doctor le nurse pawl caah a herh mi PPE Uniform tlamtling tein a timhlamh piak hna lo. Cu ruang ah Covid-19 mizaw pawl bultawl nak ding ah nunthap hmaisuang ah a kal mi hna Doctor le Nurse pawl caah cun thih hna seh tiah acozah nih an kan ti hi a si ko tiah zong an chim hi a si.

Doctor le Nurse pawl nih an taklawng in sandah an piah mi hi anmah Germany holh in cun “Blanke Bedenken” tiah an ti I English in “Naked Qualms” tiah an leh mi a si. PPE Uniform kong hi Doctor le Nurse pawl nih caan saupi chung an hal cang mi hna a si ko nain zeirel loin an rak um piak lengmang hna.

Hi kong he pehtlai in media pawl nih interview an tuah hna nak ah Doctor pawl nih an chim mi cu “kan taklawng in siizung ah kan um I sandahpiah nak kan tuah mi nih a langhter duh mi cu kan nih doctor le nurse pawl hna hi zeitluk indah ram cozah nih zei an kan rel lo, cun kan nundam nak le kan ngandam nak caah zeitluk indah kan him lo ti hi a si” a tiah zong Media sinah an chim.

Hi tluk in pulrai tihnung zawtnak ruang ah Germany siibawi hna nih nunthap in an ram mipi caah rian an tuan ko mi kong ah an herh mi PPE kong zong voitampi an chim ko nain nihin tiang ah Germany acozah sin in zeihmanh theih ter nak le pehtlaih nak a um rih lo.

Ref: D Nae Khit

 155 total views,  1 views today

This function has been disabled for Chin 11 News.