Police Nih Floyd Kha An Va Kawl I An Thahmi A Si Lo

“BlackLiveMatter” lawng biapi ah an chiah i “AllliveMatter” kong an ruat ve lo ahcun a dik ti lo.

Chicago ahkhin Kum khat chung “Police loin um hnik usih, ti hna sehlaw, aho hmanh khua an sa ngam lai lo. An zam viar lai.

Zeiruang ahdah Mirang, Asia, le miphun nakin Minak le Police hi an itong deuh? Minak hi an milu tuak in misual an tam tuk caah a si. Police nih “Minak” paoh an Kawl i an ral hna lo. Complaint le report a um paoh ah tam deuh cu minak deuh Peng an rak si caah a si. An lak ah Crime Rate a sang tuk caah police chim lo, aho paoh nih minak cu ttih deuh an si. Cucu huat ruang si loin, an lakah misual an tam tuk caah a si.

Floyd zong hi Phaisa deu a hman lawng siloin, a ri tuk an ti. A zal ah drug aa sanh rih. A tuanbia an zoh tikah Voi 4 hrawng thawng a tla cangmi a si rih. Police nih an va Kawl i an thahmi a si lo. Khua sual a tuah ruang ah complain a um i, an tlaihnak ah an thah sualmi a si. Thih ding tlak sualnak cu a si lo nain, biadik cu misual hrim cu a si ve.

President hlun Obama nih sandah hi piah rih ko u tiah a forh hna. Policy aa thleng tiang a ti. Governor le Major pawl cu, police force policy hi reform nan tuah a hau tiah a au hnawh ve hna. Ziah, amah nih Kum 8 chung President a ttuan lio ah a reform lo? Tiah hal khawh a si.

US ram ahhin Criminal Justice System lehlam cu remh deuh a hau hrim. Misual hi an sual ningin dantat loin a luatmi an tam tuk. Lawyer le Phaisa ngei nih za lawng tuk in misual an khamh khawh hna. Cucaah, criminal justice system hi Black Ca lawng siloin, All Lives caah remh a herhmi a si.

Tulio BlacLiveMatter nih “racism” kan doh tiah fakpi in an aupimi hi, an au ning tluk cu a si lo tiah ka hmuh. US cu “land of opportunities” an ti. A dik. American Dream an ti. A dik rih. A zuammi paoh caahcun, caan tha a um. Hlawhtling khawh a si.

Hollywood ah Minak actors hlawhtling an tampi ko ttung? Music industry le bang ahcun, minak hla/Rap ko pei a lar khun hi? Police force ah, Business ah, government servants ah, minak tampi an um ko ttung? TV show ah minak an tam pi rih. Boxing ah, UFC ah, minak le mirang karlak thleidannak hmuh awk a um ttung lo? US president tiang ah Minak an tling khawh ko ahcun, ziah Minak nan kan thleidan tiah an au len rih?

Cucaah, BlackLiveMatter movement hi Keicu thiam ka coter kho hrim hna lo. Political agenda pakhat sawh a si tiah ka hmuh. Anmah Black Community tu hi remh izuam hna seh. An lak ah Criminal Rate a sang tukmi tu khi, zäwrter izuam hna seh, cutin an tuah ahcun, Police he tlawm deuh an itong lai. A thimi zong an zawr lai. Community zong a him/safe deuh lai. Police zong an tha a dam deuh lai.

Kanmah, Chinmi zong hi miphun dang nih an kan thleidan tiah zai len nakin kan izuam i tei kan mak ahcun kan hlawh a tling ko lai. Dinfelnak kan upat ahcun aho paoh he kan irem ko lai.

Catialtu: Zasang Cinzah

 451 total views,  1 views today

This function has been disabled for Chin 11 News.