Pohmah 59 F Hi Suu Kyi President Tlin Khawhnak Ca Lawng Tuak In Remh An Timh Mi A Si Tiah Politics Tuah Tu Hna Sin Cakuat

Tutan phunghram zei mawzat remhnak kong ah Party dang dang le pumpak cio nih kan hmuh ning kan tial tik ah a tam deuh hmurka cun Suu Kyi President tlin khawhnak lawng ruat in NLD nih biatung a dirh mi a si tiah an chim. Hi pohmah 59f hi tha te in nan rel taktak maw? hi pohmah 59f nih zei tiang dah a kham khawh ti le a sullam thuk deuh in nan bih bal maw?

Federal le Democracy kan dirpi ahcun hi pohmah 59f cu remh a herh mi hrimhrim a si cu. Democracy ram ah hi bantuk phunghram cu a um awk a si maw? Hi pohmah hi Suu Kyi khamnak ca lawng ah I hmaithlak in rakser mi a si ahcun pumpak caah phunghram a um awk a si lo caah remh a herh ko. Amah pakhat Suu Kyi khamnak lawng a si lo a si ahcun mipi dihlak caah remh a si thiamthiam ko lai.

Zeidang cu kal tak in hi Pohmah chung um mi hi van fianter ta u sihlaw, Hi pohmah kan hrawh lo ahcun Tlangcung mi ramdang khuasa mi vialte hna, Miphun dang nupi a thi mi le pasal a ngei mi hna kanb miphun a kham hna nak vak zoh tuah usih.

Phunghram pohmah 59f ah “Pah pumhapak siseh, hringtu nulepa si hnaseh, nupi pa sal siseh,phung tling sinak ngei mi fa le si hna She, Cu phungtling sinak ngei mi fa le hna I an nupi/pasal si hna She, ramdang bawmhnak a hmu mi/a thudir mi asiloah ramdang cozah kut tang ah a thudir mi asiloah ramdang cozah kut tang mi a si ah, ramchung mi a si ah ramdang cozah bawmhnak a tuah lo mi a si lai,”

Kha van zoh tuah ulaw, Hi pohmah 59f nih a kham mi hi a kau tuk, Suu Kyi pakaht ca lawng a si lo. Tlangcung mi chung in ramdang ah pasal le nupi ngei kan tam cang. Ramdang bawmhnak in mitam pi khuasa kan tam. a bik in kan fa le hna lw bangcu miphun dang nu,a bik in ramdang mi he aa thi um mi an um ngai hna. Cucaah hi phunghram nih Suu Kyi lawng a kham lo.

Abik in Federal le Democracy ram ah hi abntuk phunghram cu a um awk hrim a si lo. an fa le nih miphun dang a thit hna le vat ruang ah ram mi sinak tling a ngei ko mi nu le pa kha kham ding a si lo. Taktak le ngaingai ti ahcun ramdang bawmhnak cu a zungzal in an ei bal theng lo, caan karlak bawmhnak cu ei cio a si. anmah Cozah pi hmanh nih ramdang bawmhnak cu an ei ve ko.
Cucaah hi phunghram remh ding an rak ti mi hi NLD le SUu kyi president tlinnak lam pakhat zoh lawng in rak timh mi a si lo. Tlangcung miphun cu ramkip ah khuasa kan tam I ramdang bawmhnak a hmu mi kan tam. nupi pasal zong ngei mi kan tam. cu vialte hna cu hi pohmah 59f nih akham dih mi a si. cucaah hrawh a herh mi a si ko.

By: Rolian

Source: The Voice Of Democracy

 159 total views,  1 views today

This function has been disabled for Chin 11 News.