PM Modi Nih A Ram Chung Ah Thawngthanh Nak A Tuah Ve Cang

PM Modi nih biachimhnak a ngeih hi coronavirus zawtnak in minung 4 an thi hnu le minung 175 nih zawtnak an ngeih hnu ah a si. Coronavirus zawtnak hrik ruangah Indian mipi thinphan dai loin an um lio ah PM Modi nih lungrethei tuk lo ding le cozah nih an chimh ning tein um khawh i zuam ding in a mipi a forfial hna.

Bia chokvai zong a tamtuk caah PM Narenda Modi nih India Today nih a thanhmi thawngpang deuh zumh ding le India Today nih thawngpang update an chuahpiak lengmang hna lai tiah Coronavirus kong a chimhnak ah a chim chih.

PM Modi nih a chim mi cu “India rammi ahohmanh thinphan in, dawr thil le eidin tampi in i cawk i inn ah chiah tthup hrimhrim lo ding. Zeicatiah tu hlan bantuk tein mipi nih nan herhmi vialte cu chambau lo tein chiah le zuar piak peng nan si ko lai.

Kum 60 cung a si cangmi tar lei deuh pawl cu ahohmanh leng chuah bak loin zarh tlawmpal chung cu inn chung ah i khumh ko rih u. Sunday March 22, 2020 zinglei 7:00AM – 9:00PM tiang Janata Curfew (ahohmanh chuah bak loin inn chung ah um dih) ding.

Sunday zanlei 5:00PM bak ah, India ram minung vialte nih minute 5 chungte innkaa le thlalang awng kan hun lai i India mipi caah nunnak pek in virus a dotu minung vialte upatnak peknak kan tuah hna lai. Siizung ah zawtnak i chek sawh tawn bantuk hrial ding le elective surgeries pawl i tuah rih lo ding.

Sullam um lo tiangin thil man a kaitermi an um ahcun a herh ning in action lak ding in Finance Minister sin ah chimh ding. Business ngeitu hna le phaisa income tam deuh a hmumi hna nih an sin riantuantu pawl an thla hlawh phiat piak lo ding.

Indian citizens hna nih a thli tein thilri tampi i cawk cia in khon lo ding le lau tukin thilri i cawk cia lo ding. Bia chawkvai zumh lo ding le a fiang huaha lomi thawngpang zumh lo ding” tiah PM Modi nih cun a chim hi a si.

Ref: India Today

 243 total views,  1 views today

This function has been disabled for Chin 11 News.