Pinlung Original Sachuk Cu Naypidaw Thilhlun Chiahnak Piahtaih (Museum) Ah An Chiah Cang

Pinglung Sachuk kong he pehtlai in Kachin Tanaing Myo MP U Lin lin Oo Hlutdaw ah biahalnak atuah i, NLD Cozah nih Bialehnak an tuah ve.

(Q1) 1947 Feb 12 ah Tlangcungmi le Kawl nih Biakamnak an rak tuahmi Pinlung Sachuk hi Tazavun (officially) in a nung rih maw? A thi cang dah?

A_1…Union of Myanmar cu 1947, 1974 le 2008 Phunghrampi ningin rak i ukhruai asi. Atu cu 2008 Phunghram hi A nungmi nawlngeitu asi. 1947 Feb 12 ah Biakamnak an rak tuahmi Pinlung Sachuk cu atu kan hman liomi 2008 Phunghrampi upadi pawl he aa KALH Loahcun tazavun asi ko rih.

Q2 Pinglung Original Sachuk cu khoika ah dah atu aum. Copy he ka biahalnak hi na ka let kho lai maw?

A_2 ..Pinlung Original Sachuk Cu zapi nih zoh khawh dingin Record hlun chiahnak Piahtaih (National Archive) ah kan chiah ko. Copy na duh ahcun phung ning tein na sok khawh.

Q_3 21th Century Pinlung (Union Peace Conference) nan tuah cuahmah mi ah hin Pinlung Sachuk hi zei bantuk khin dah nan ruahdan asi. Sachuk tlinter maw nan timh zei dah nan duhnak asi tihi Tlangcung mi aiawh in Hlutdaw Speaker nih ka leh kho law ka duh ko.

A_3..21 Century Pinlung nih aa tinh bikmi cu Daihnak hmuh khawhnak ding caah kan i dannak chungin lungrualnak ser kha asi ko. Lungrualnak timi Pinlung THINLUNG ser kha 21 Century Pinlung nih aa hmaithlak mi asi tiah kan in leh.

Union of Myanmar

The Office of State Counsellor

Letter No. 150/hlutdaw/2017

Date..May 3, 2017

Crd#Lin Lin Oo

#Ruah_Awk
▪Pinlung Sachuk cu Chin Miphun le Tlangcung mi kan caah kan i ruahchan mi kan Ceunak kan Arfi asi

▪Kan I ruahchanmi kan Arfi cu Piahtaih Hnawmpung ah an chiah

▪21 Pinlung Conference nih aa tinhmi cu Pinlung biakamnak tlinter siloin Lungrualnak timi

Pinlung THINLUNG tu arak si deuh.

▪Pinlung Sachuk lio ah arak i telmi T Khun Htun Myat nihcun Pinlung Sachuk cu Catlap chia bantuk hnawmpung ah an hlawnh cang a rak ti bal.

▪Kawl Cozah a pehpeh hna NLD thok in Pinlung Biakamnak cu Tlinter an duh lo ticu a fiang tuk cang.

▪Miphun dang Kawl bocham (Ralkap USDP le NLD) in cun Kan saduhthah Pinlung biakamnak a tling kho hrimhrim lai lo 100%.

▪Kan der zongah siseh kan fim lo zongah siseh Miphun dang Kawl Party le Ralkap bochan hnak cun kan Miphun party (CNLD..ZCD) siseh CNA/F siseh kan dirpi hrimhrim a hau cang.
▪Miphun kilven nak Power le T’hawnnak cu kan mah miphun chung lawnglawng ah a um. ZCD cu e CNF cu e CNLD cu e kha e ti caan asi lo. Miphun dang hnak cun kan miphun caah an tha cingcing peng ko lai…

Kalawm…..
Catialtu: Jacob R Thang

 138 total views,  1 views today

This function has been disabled for Chin 11 News.